6 vajskovych mašyn, 20 mašyn supravadžeńnia. Pryjezd Łukašenki ŭ rezidencyju na Homielščynie trapiŭ na spadarožnikavy zdymak
Padčas rabočaj pajezdki pa Homielskaj vobłaści Alaksandr Łukašenka moh načavać u svajoj rezidencyi ŭ Laskavičach Pietrykaŭskaha rajona pad uzmocnienaj achovaj. «Svaboda» atrymała spadarožnikavy zdymak, na jakim bačny jahony viertalot Mi-8, dva dziasiatki aŭtamabilaŭ, a taksama, imavierna, vajskovaja technika.
Štohadovaja pajezdka ŭ Čarnobylskuju zonu — redki vypadak, kali vykarystoŭvajecca hetaja rezydencyja Łukašenki, adna ź siami zaharadnych, viadomych žurnalistam.
Z 24 pa 27 krasavika Alaksandar Łukašenka naviedaŭ niekalki rajonaŭ Homielskaj vobłaści — Mazyrski, Pietrykaŭski i Naraŭlanski.
Pra miescy, dzie jon spyniaŭsia na noč, jaho pres-słužba nie paviedamlała. Ale, jak vyśvietliła «Svaboda», jak minimum adzin prypynak byŭ zrobleny ŭ jaho rezydencyi ŭ vioscy Laskavičy Pietrykaŭskaha rajonu. Pra heta śviedčyć spadarožnikavy zdymak, zrobleny kampanijaj Planet Labs 27 krasavika ŭ 8:53 ranicy.
Na zdymku bačny viertalot biełaha koleru, što staić na viertalotnaj placoŭcy ŭsiaredzinie terytoryi rezydencyi i kala 20 cyvilnych aŭtamabilaŭ roznaha pryznačeńnia kala adnaho z zajezdaŭ na jaje. Taksama na zdymku možna zaŭvažyć 6 mašyn, jakija mohuć naležać vajskoŭcam. Usie jany koleru chaki i stajać asobna ad astatnich. Dakładny typ techniki vyznačyć niemahčyma praź jakaść atrymanaha spadarožnikavaha zdymku, ale prynamsi try ź ich padobnyja da vajskovych hruzavikoŭ.
Na dasiažnych «Svabodzie» archiŭnych spadarožnikavych zdymkach hetaha abjektu ź minułych hadoŭ bačna, što padobnaha zvyčajna tut nie nazirajecca.
Ad rezydencyi ŭ Laskavičach da ŭkrainskaj miažy kala 50 kilametraŭ.
Paśla pačatku poŭnamaštabnaj vajny Rasiei suprać Ukrainy ŭ 2022 hodzie ŭ niebie nad roznymi rajonami Homielskaj vobłaści pačali rehularna zaŭvažać bieśpilotniki. Jak praviła, ich zaloty supadali z masavymi pavietranymi atakami Rasiei na ŭkrainskija harady. Ale svoječasovuju infarmacyju pra zaloty takich dronaŭ na terytoryju Biełarusi ŭłady prychoŭvajuć. Heta paćvierdziŭ i sam Alaksandar Łukašenka ŭ adnoj z svaich publičnych pramovaŭ.
Toje, što Alaksandar Łukašenka sapraŭdy moh być u laskavickaj rezydencyi rankam 27 krasavika (kali byŭ zrobleny spadarožnikavy zdymak), paćviardžajuć paviedamleńni jahonaj pres-słužby. Pavodle ich, 26 krasavika jon inspektavaŭ małočna-tavarny kompleks «Laskavičy», a na nastupny dzień u 10:12 ranicy na viertalocie prybyŭ u Naraŭlanski rajon. Pamiž hetymi punktami 86 kilametraŭ.
Rezydencyja Alaksandra Łukašenki ŭ Laskavičach — adna ź siami viadomych niezaležnym medyja zaharadnych rezydencyjaŭ, jakimi jon karystajecca. Jana znachodzicca na bierazie Prypiaci. U aficyjnych dakumentach nazyvajecca «Kompleksam pa absłuhoŭvańni delehacyjaŭ u pryrodaachoŭnym parku «Prypiacki»». U svaju čarhu nacyjanalny park «Prypiacki» naŭprost padnačaleny Kiraŭnictvu spravami prezydenta.
Apošniaja aficyjna viadomaja sustreča, jakaja adbyłasia ŭ laskavickaj rezydencyi, prachodziła bolš za čatyry hady tamu, u 2022 hodzie. Tady tut u samym pačatku paŭnamaštabnaj vajny adbylisia karotkija pieramovy ŭkrainskaha i rasiejskaha bakoŭ. U 2017 hodzie tut prachodziła niefarmalnaja sustreča Alaksandra Łukašenki z tahačasnym prezydentam Ukrainy Piatrom Parašenkam.
Dostupu dla zvyčajnych ludziej u rezydencyju niama. Alaksandar Łukašenka jaje vykarystoŭvaje tolki dla svaich amal štohadovych viesnavych pajezdak na Homielščynu.
Kala rezydencyi pabudavanyja try viertalotnyja placoŭki, na jaje terytoryi raźmieščanyja budynak-pałac, kala šaści haściavych damoŭ, jašče adzin vialiki budynak u lesie, spartovy kompleks, haražy dla aŭtamabilaŭ, niekalki spuskaŭ da vady. Usio heta złučajuć idealnyja asfaltavyja darožki.
«Zvyčajny draŭlany dom, jaki sialanie pabudvali. Ja da hetaj pary ŭ hetym domie žyvu», — raskazvaŭ pra rezydencyju Alaksandar Łukašenka ŭ 2020 hodzie.
Jak vyśvietliła «Svaboda», skazaŭ jon hetuju frazu, kali vysadžvaŭ drevy na ŭskrajku viertalotnaj placoŭki na tak zvanym «subotniku» kala toj samaj rezydencyi ŭ Laskavičach.
U toj ža pramovie jon sam pryznaŭsia, što addavaŭ zahad tahačasnamu dyrektaru nacyjanalnaha parka «Prypiacki» Ściapanu Bambizu zbudavać hetuju «chatu»:
«Šmat było krytyki: «Aj, jon nas ciahnie tudy — u Čarnobylskuju zonu!» «Čarnobylskija šlachi» pad takimi lozunhami prachodzili. «My tut u čystym Miensku…» Tady ja Ściapanu kažu: «Tak, tut pabuduješ mnie chatu, i ja budu tut žyć kožnuju viasnu, kali vielmi nibyta niebiaśpiečna, voś u hetyja časy. Ja budu tut žyć. Pasiaŭnaja pačynajecca adsiul —– i ja adsiul kožnuju viasnu pačynaŭ svajo žyćcio. Voś u čym była historyja tak zvanaj «rezydencyi prezydenta».
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
[Zredahavana]