U Nacyjanalnym aeraporcie Minsk prajšli vučeńni pa łakalizacyi i likvidacyi asiarodku infiekcyjnaha zachvorvańnia. Pavodle scenaru, u adnaho z pasažyraŭ vyjavili simptomy chvaroby, padobnaj da chalery, piša pres-słužba aeraporta.
Padčas mierapryjemstva adpracoŭvali ŭzajemadziejańnie pamiž usimi słužbami i viedamstvami, jakija pavinny dziejničać u takoj situacyi. Metaj było pravieryć hatoŭnaść chutka vyjavić pahrozu, izalavać chvoraha i nie dapuścić raspaŭsiudžvańnia infiekcyi.
U chodzie vučeńniaŭ adpracavali ciepłavizijny kantrol pasažyraŭ, vizualny ahlad i zbor pieršasnaj infarmacyi. Paśla vyjaŭleńnia ŭmoŭna chvoraha čałavieka jaho ahledzieli miedyki, apytali, akazali dapamohu i pastavili papiaredni dyjahnaz «chalera». Taksama vyklikali chutkuju dapamohu.
Adnačasova ŭsie zadziejničanyja struktury atrymali paviedamleńnie pra zdareńnie: miedyki, administracyja aeraporta, pamiežniki, mytnia, milicyja i avijakampanija.
Supracoŭniki, jakija ŭdzielničali ŭ likvidacyi situacyi, adzieli supraćepidemičnyja achoŭnyja kaściumy. Asobna adpracavali vyhruzku bahažu kantaktnych pasažyraŭ, jaho raźmiaščeńnie ŭ śpiecyjalnym boksie i dezinfiekcyju.
Pasažyraŭ rejsa, jakija kantaktavali z mahčymym chvorym, sabrali, apytali, zapoŭnili ankiety i nakiravali ŭ izalatar dla nazirańnia. Samoha pasažyra z padazreńniem na chaleru časova źmiaścili ŭ izalatar sanitarna-karancinnaha punkta, dzie jamu akazvali dapamohu.
Taksama byli praviedzienyja dezynfiekcyjnyja mierapryjemstvy va ŭsich pamiaškańniach i transparcie, što vykarystoŭvalisia padčas scenaryja.
U vučeńniach udzielničali śpiecyjalisty Minskaha haradskoha centra hihijeny i epidemijałohii, miedycynskaja słužba hramadzianskaj avijacyi, supracoŭniki aeraporta, pradstaŭniki «Biełavija», pamiežnaj słužby, mytni i milicyi.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary