У Нацыянальным аэрапорце Мінск прайшлі вучэнні па лакалізацыі і ліквідацыі асяродку інфекцыйнага захворвання. Паводле сцэнару, у аднаго з пасажыраў выявілі сімптомы хваробы, падобнай да халеры, піша прэс-служба аэрапорта.
Падчас мерапрыемства адпрацоўвалі ўзаемадзеянне паміж усімі службамі і ведамствамі, якія павінны дзейнічаць у такой сітуацыі. Мэтай было праверыць гатоўнасць хутка выявіць пагрозу, ізаляваць хворага і не дапусціць распаўсюджвання інфекцыі.
У ходзе вучэнняў адпрацавалі цеплавізійны кантроль пасажыраў, візуальны агляд і збор першаснай інфармацыі. Пасля выяўлення ўмоўна хворага чалавека яго агледзелі медыкі, апыталі, аказалі дапамогу і паставілі папярэдні дыягназ «халера». Таксама выклікалі хуткую дапамогу.
Адначасова ўсе задзейнічаныя структуры атрымалі паведамленне пра здарэнне: медыкі, адміністрацыя аэрапорта, памежнікі, мытня, міліцыя і авіякампанія.
Супрацоўнікі, якія ўдзельнічалі ў ліквідацыі сітуацыі, адзелі супрацьэпідэмічныя ахоўныя касцюмы. Асобна адпрацавалі выгрузку багажу кантактных пасажыраў, яго размяшчэнне ў спецыяльным боксе і дэзінфекцыю.
Пасажыраў рэйса, якія кантактавалі з магчымым хворым, сабралі, апыталі, запоўнілі анкеты і накіравалі ў ізалятар для назірання. Самога пасажыра з падазрэннем на халеру часова змясцілі ў ізалятар санітарна-каранціннага пункта, дзе яму аказвалі дапамогу.
Таксама былі праведзеныя дэзынфекцыйныя мерапрыемствы ва ўсіх памяшканнях і транспарце, што выкарыстоўваліся падчас сцэнарыя.
У вучэннях удзельнічалі спецыялісты Мінскага гарадскога цэнтра гігіены і эпідэміялогіі, медыцынская служба грамадзянскай авіяцыі, супрацоўнікі аэрапорта, прадстаўнікі «Белавія», памежнай службы, мытні і міліцыі.
Цяпер чытаюць
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся1
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары