Mižnarodnyja fiederacyi lohkaj atletyki i tenisa pakul nie buduć zdymać abmiežavańni ź biełarusaŭ
Pra rašeńni nie prysłuchoŭvacca da vydadzienaj 7 maja rekamiendacyi Mižnarodnaha alimpijskaha kamiteta ŭ spravie źniaćcia mižnarodnaha bana ź biełaruskich spartsmienaŭ paviedamili Suśvietnaja lohkaatletyčnaja fiederacyja (World Athletics) Mižnarodnaja fiederacyja tenisa (ITF).
U World Athletics zajavili, što pakul nie bačać dastatkovych padstaŭ dla źmieny svajoj pazicyi. Pavodle pradstaŭnikoŭ arhanizacyi, pytańnie moža być pierahledžanaje tolki tady, kali źjaviacca realnyja prykmiety prasoŭvańnia da mirnych pieramoŭ pa Ukrainie.
U asacyjacyi padkreślili, što ich rada adnahałosna padtrymała rašeńnie ab adchileńni, pryniataje jašče ŭ sakaviku 2022 hoda i paźniej paćvierdžanaje ŭ 2023 i 2025 hadach.
Z padobnaj zajavaj vystupiła i Mižnarodnaja fiederacyja tenisa.
«Zajava MAK nie źmianiaje našaj pazicyi pa adchileńni fiederacyj Biełarusi i Rasii — sankcyi zastajucca ŭ sile», — zajavili ŭ ITF.
Paśla pačatku poŭnamaštabnaj vajny va Ukrainie Rasija i Biełaruś faktyčna byli adchilenyja ad bolšaści mižnarodnych spartyŭnych spabornictvaŭ. Pry hetym asobnyja spartsmieny mahli ŭdzielničać u turnirach u niejtralnym statusie, kali nie padtrymlivali vajnu.
7 maja Mižnarodny alimpijski kamitet rekamiendavaŭ mižnarodnych fiederacyjam dapuskać biełaruskich spartoŭcaŭ da spabornictvaŭ pad dziaržaŭnym ściaham i z himnam. Pry hetym abmiežavańni ŭ dačynieńni da Rasii zastalisia.
MAK źniaŭ usie abmiežavańni ź biełaruskich spartsmienaŭ. Z rasijskich — nie
Biełaruskija ŭdzielniki prajšli na adkryćci Paralimpijady pad čyrvona-zialonym ściaham FOTAFAKT
Paralimpijcam ź Biełarusi dazvolili vystupić pad čyrvona-zialonym ściaham
U Bierlinie na 8 i 9 maja zabaroniać čyrvona-zialony ściah i partrety Łukašenki
Kamientary