U Bierlinie na 8 i 9 maja zabaroniać čyrvona-zialony ściah i partrety Łukašenki
U Bierlinie płanujuć uvieści abmiežavańni na vykarystańnie šerahu simvałaŭ padčas pamiatnych mierapryjemstvaŭ 8 i 9 maja, jakija pryśviečanyja zakančeńniu Druhoj suśvietnaj vajny ŭ Jeŭropie. Pavodle infarmacyi ad miascovaj palicyi, zabarona budzie tyčycca demanstracyi savieckaj simvoliki, a taksama dziaržaŭnych ściahoŭ Rasii i Biełarusi, piša «Jeŭrapiejskaja praŭda».
Abmiežavańni płanujuć uvieści ŭ rajonach hałoŭnych savieckich miemaryjałaŭ — u Tyrhartenie, Treptaŭ-parku i Šanholcer-Chajde. Čakajecca, što aficyjnyja rasparadžeńni buduć apublikavanyja zahadzia i buduć padobnyja da tych, što ŭžo dziejničali ŭ papiarednija hady.
Akramia ściahoŭ, pad zabaronu traplajuć i inšyja elemienty, źviazanyja z rasijskaj vajnoj suprać Ukrainy. U pryvatnaści, nielha budzie nasić rasijskuju vajskovuju formu abo jaje častki, demanstravać znaki adroźnieńnia, simvały Z i V, a taksama hieorhijeŭskija stužki.
Taksama budzie zabaroniena pakazvać vyjavy kiraŭnikoŭ Rasii, Biełarusi i Čačni.
Asobna adznačajecca, što nielha budzie vykonvać abo prajhravać rasijskija vajskovyja i maršavyja pieśni, a taksama demanstravać simvoliku, jakaja moža ŭsprymacca jak padtrymka vajny. U toj ža čas ukrainskaja simvolika pad hetyja abmiežavańni nie traplaje.
Peŭnyja vyklučeńni praduhledžanyja dla dypłamataŭ i vieteranaŭ Druhoj suśvietnaj vajny.
Takija miery źviazvajuć z tym, što paśla 2022 hoda śviatkavańnie 9 maja ŭ Rasii aktyŭna vykarystoŭvajecca jak častka dziaržaŭnaj prapahandy i apraŭdańnia vajny suprać Ukrainy, tamu niamieckija ŭłady imknucca nie dapuścić vykarystańnia hetaj simvoliki dla palityčnych metaŭ padčas pamiatnych mierapryjemstvaŭ.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks32
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary