Prezident Ukrainy Uładzimir Zialenski prakamientavaŭ maštabnuju ataku bieśpiłotnikaŭ na Maskvu i Padmaskoŭje, jakaja adbyłasia ŭ noč na 17 maja. Jon nazvaŭ hetyja ŭdary «dalokabojnymi sankcyjami» i spraviadlivym adkazam na rasijski teror.
Zialenski padkreśliŭ, što načnyja ŭdary źjaŭlajucca zakonnym adkazam Ukrainy na zaciahvańnie vajny Rasijaj i pastajannyja abstreły ŭkrainskich haradoŭ i viosak.
«Całkam spraviadlivyja našy adkazy na rasijskaje zaciahvańnie vajny i ŭdary pa našych haradach i hramadach. Hetym razam ukrainskija dalokabojnyja sankcyi dasiahnuli Maskoŭskaha rehijona, i my vyrazna kažam rasijanam: ich dziaržava pavinna skončyć svaju vajnu», — napisaŭ jon.
Prezident Ukrainy adznačyŭ, što ŭkrainskija drony zmahli pieraadoleć adlehłaść u bolš čym 500 kiłamietraŭ ad dziaržaŭnaj miažy i paśpiachova parazić celi, niahledziačy na toje, što ŭ Maskoŭskim rehijonie razhornuta samaja vialikaja kancentracyja rasijskich sił supraćpavietranaj abarony.
«Ukrainskija vytvorcy dronaŭ i rakiet praciahvajuć svaju pracu. Udziačny SBU i ŭsim Siłam abarony Ukrainy za dakładnaść. Adlehłaść ad dziaržaŭnaj miažy Ukrainy — bolš za 500 km. Kancentracyja rasijskaj SPA ŭ Maskoŭskim rehijonie — samaja vialikaja. Ale pieramahajem», —napisaŭ jon.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Vsie vriemia vsie ssłyłajutsia, čto Russkije chotiat vojny pri etom v RF niet niezavisimych isśledovanij. "1000 hovoriaŝich hołov" Zielenskoho diełajut svoje dieło