U Biełarusi šukajuć pakupnika na Babin Moch. Cana pytańnia — miljon. I heta sa źnižkaj
Biełahraprambank hatovy sastupić z dyskontam adabranuju ŭ daŭžnika bazu adpačynku.
«Babin Moch» — heta baza adpačynku ŭ Kleckim rajonie, u hłybini lesu pobač z Krasnasłabadskim vadaschoviščam. Baza maje łaźniu, basiejn, bankietnuju zału, plaž, dom adpačynku palaŭničych, karystajecca papularnaściu ŭ rybakoŭ. Jana była pabudavana ŭ 2011 hodzie ŭłaśnikami kleckaha «Bijarapspradukta», hałoŭnyja biznesy jakich — pierapracoŭka nasieńnia na alej i žmych, kurahadoŭla i drevaapracoŭka.
Fakultatyŭny biznes pryjšoŭ u zaniapad razam z asnoŭnymi. Na hety momant «Bijarapspradukt» u bankructvie, a «Babin Moch» byŭ u zakładzie Biełahraprambanku pad vydadzieny kredyt.
Ciapier bank sprabuje pradać bazu, ale pakul marna. Tolki za apošnija paŭhoda cana źniziłasia z 1,3 miljona da 1,05 miljona rubloŭ.
Etymałohija nazvy Babin Moch, vidavočna, pachodzić ad bałocistaj miascovaści vakoł voziera. U Biełarusi šmat taponimaŭ, jakija pačynajucca z prymietnika i skančajucca słovam «moch» — tak nazyvali machavyja bałoty i niziny.
Kamientary