Kitaj abviaściŭ pra śpiecyjalnuju vajenna-marskuju apieracyju pablizu Tajvania
Kitaj zajaviŭ, što pačynaje apieracyju pa zabieśpiačeńni marskoha prava ŭ vodach na ŭschod ad Tajvania.
Piekin abviaściŭ pra pačatak śpiecyjalnaj apieracyi pa zabieśpiačeńni marskoha prava i kantroli nad rucham sudnaŭ u vodach kala vostrava Tajvań. Hety krok staŭ adkazam na toje, što Japonija i Filipiny ŭ adnabakovym paradku abviaścili pra pačatak pieramoŭ ab delimitacyi marskoj miažy ŭ hetym rehijonie. Kitaj u pieramovach nie ŭdzielničaje.
Ułady KNR nazvali takija dziejańni surjoznym parušeńniem svajho terytaryjalnaha suvierenitetu i marskich pravoŭ.
Jak paviedamiła Ministerstva transpartu Kitaja, apieracyja nakiravana na abaronu nacyjanalnych intaresaŭ i biaśpieki.
Situacyja abvastrajecca i palityčnymi zajavami susiedziaŭ.
Prezident Filipin Fierdynand Markas-małodšy raniej adznačyŭ, što jaho kraina z-za hieahrafičnaj blizkaści moža ŭmiašacca ŭ patencyjny kanflikt vakoł Tajvania.
Premjer-ministr Japonii Sanae Takaici dapuściła adpraŭku vojskaŭ u vypadku kitajskaha ŭvarvańnia na vostraŭ.
Vajskovaja prysutnaść Kitaja kala Tajvania apošnim časam raście.
Na hetym fonie ŭ Vašynhtonie vykazvajuć surjoznuju zaniepakojenaść. Pavodle infarmacyi krynic, daradcy prezidenta ZŠA Donalda Trampa ličać, što Kitaj moža advažycca na poŭnamaštabnaje vajskovaje ŭvarvańnie ŭ Tajvań na praciahu najbližejšych 5 hadoŭ. Pry hetym sam Donald Tramp paśla sustrečy sa staršynioj KNR Si Czińpinam adkłaŭ pytańnie pastavak zbroi Tajbeju i publična zajaviŭ, što nie padtrymlivaje abviaščeńnie niezaležnaści vostrava.
Ciapier čytajuć
«Ni tady, ni siońnia ja nie liču, što zrabiŭ štości kiepskaje». Dziadok ščyra raskazaŭ pra byłyja adnosiny z 16‑hadovaj dziaŭčynaj5
Kamientary