Кітай абвясціў пра спецыяльную ваенна-марскую аперацыю паблізу Тайваня
Кітай заявіў, што пачынае аперацыю па забеспячэнні марскога права ў водах на ўсход ад Тайваня.
Пекін абвясціў пра пачатак спецыяльнай аперацыі па забеспячэнні марскога права і кантролі над рухам суднаў у водах каля вострава Тайвань. Гэты крок стаў адказам на тое, што Японія і Філіпіны ў аднабаковым парадку абвясцілі пра пачатак перамоў аб дэлімітацыі марской мяжы ў гэтым рэгіёне. Кітай у перамовах не ўдзельнічае.
Улады КНР назвалі такія дзеянні сур'ёзным парушэннем свайго тэрытарыяльнага суверэнітэту і марскіх правоў.
Як паведаміла Міністэрства транспарту Кітая, аперацыя накіравана на абарону нацыянальных інтарэсаў і бяспекі.
Сітуацыя абвастраецца і палітычнымі заявамі суседзяў.
Прэзідэнт Філіпін Фердынанд Маркас-малодшы раней адзначыў, што яго краіна з-за геаграфічнай блізкасці можа ўмяшацца ў патэнцыйны канфлікт вакол Тайваня.
Прэм'ер-міністр Японіі Санаэ Такаіці дапусціла адпраўку войскаў у выпадку кітайскага ўварвання на востраў.
Вайсковая прысутнасць Кітая каля Тайваня апошнім часам расце.
На гэтым фоне ў Вашынгтоне выказваюць сур'ёзную занепакоенасць. Паводле інфармацыі крыніц, дарадцы прэзідэнта ЗША Дональда Трампа лічаць, што Кітай можа адважыцца на поўнамаштабнае вайсковае ўварванне ў Тайвань на працягу найбліжэйшых 5 гадоў. Пры гэтым сам Дональд Трамп пасля сустрэчы са старшынёй КНР Сі Цзіньпінам адклаў пытанне паставак зброі Тайбэю і публічна заявіў, што не падтрымлівае абвяшчэнне незалежнасці вострава.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары