Stała viadoma pra vyniki pravierki pa skarzie ab źbićci vučnia ŭ połackaj spartyŭnaj škole
Paśla źjaŭleńnia ŭ internecie paviedamleńnia maci dziciaci pra źbićcio jaje syna padčas treniroŭki pa dziudo na situacyju adreahavali kiraŭnictva spartyŭnaj škoły, adździeł sportu Połackaha rajvykankama, RAUS i miedycynskija słužby, piša «Połockij viestnik». Nijakich parušeńniaŭ nibyta pakul nie znajšli.
Dziaržaŭnaje vydańnie paviedamlaje, što, pa źviestkach dziciačaj palikliniki, u chłopčyka nie vyjavili śladoŭ źbićcia abo cialesnych paškodžańniaŭ na tvary i rukach. Była zafiksavanaja tolki nievialikaja drapina na łbie. Taksama byli vyvučanyja zapisy kamier videanazirańnia ŭ spartyŭnaj ustanovie.
U dzień zdareńnia maci z synam i trenier byli zaprošanyja ŭ Połacki RAUS. Pavodle vynikaŭ razmovy, jak paviedamlajecca, pravaparušeńniaŭ nie ŭstanoŭlena, a baki zajavili, što nie majuć adzin da adnaho pretenzij.
Tym nie mienš, pa fakcie zdareńnia ŭ spartyŭnaj škole praciahvajecca słužbovaja pravierka.
Raniej u sacsietkach źjaviłasia videa maci traich dziaciej i błohierki Hanny Zacharavaj, jakoje za sutki sabrała dziasiatki tysiač prahladaŭ i tysiačy kamientaroŭ na roznych placoŭkach. U im žančyna sa ślaźmi na vačach raskazała, što ŭ Połackaj SDIUŠAR jaje syna Klima źbili na treniroŭcy pa dziudo adnahrupniki. Pryčym — sa zhody treniera.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary