Śledčy kamitet pałochaje ŭzmacnieńniem kantrolu za Threads i TikTok
Nibyta šmat destruktyŭnaj infarmacyi.
Śledčy kamitet zajaviŭ, što «va ŭmovach rostu kolkaści vypadkaŭ raspaŭsiudžvańnia destruktyŭnaj infarmacyi śledčyja ŭzmacniajuć manitorynh i apieratyŭnaje reahavańnie na publikacyi i kamientaryi, asabliva ŭ Threads i TikTok, z nastupnaj pravavoj acenkaj dziejańniaŭ aŭtaraŭ».
Paviedamlajecca, što asablivaja ŭvaha budzie nadavacca materyjałam, jakija źmiaščajuć:
- dezynfarmacyju nasielnictva;
- raspalvańnie sacyjalnaj varožaści;
- zahadzia iłžyvyja paviedamleńni pra niebiaśpieku;
- reabilitacyju nacyzmu.
Maŭlaŭ, ustanoŭleny fakty, kali «asobnyja asoby z metaj pavieličeńnia achopu svaich publikacyj i pryciahnieńnia aŭdytoryi na akaŭnt naŭmysna raspaŭsiudžvajuć infarmacyju, jakaja nie adpaviadaje rečaisnaści, pra nibyta ździejśnienaje kimści złačynstva, vydajuć siabie za achviaru abo śviedku złačynstva».
SK zajaŭlaje, što jość vypadki, kali ŭ asnovie takich publikacyj lažyć vydumanaja historyja, tamu takim faktam taksama budzie davacca pravavaja acenka.
Kamientary
Bo mašyna represij nie spynicca, kali dapracuje stary "kampramat", nabrany ŭ Telegram.
Užo raście novaje pakaleńnie "nie bitych" karystalnikaŭ sacsietak, z naiŭnaściu "a kamu ja patrebny?"
Z adnaho boku, masavaść viartaje publičnaść u narmalny bok - navat ułady iznoŭ vymušany reahavać na sacsietki. Z druhoha, ŭ hetaj sistemie mnohija zapłaciać za hałosnaść svaim losam.
Abo budzie jak z Telegram: spačatku ludzi pišuć ułasnyja imiony i proźviščy ŭ Threads i TikTok, a paśla skažuć, što jany taksama byli FSB-nyja.
Pry hetym ryzyki i z boku sacsietak isnujuć: kitajcy, a ŭ apošnija hady i amierykancy ŭvohule nie prychilniki kaštoŭnaściej pryvatnaści.