Cichanoŭskaja vystupić na amierykanskim forumie pa biaśpiecy ŭ Aśpienie
14—15 lipienia Śviatłana Cichanoŭskaja voźmie ŭdzieł u Aspen Security Forum — adnym z najbujniejšych mižnarodnych forumaŭ, pryśviečanych pytańniam biaśpieki i źniešniaj palityki, paviedamiła pres-słužba palityka.
Mierapryjemstva projdzie ŭ horadzie Aśpien, što ŭ štacie Kałarada, i źbiare palitykaŭ, vajskoŭcaŭ, dypłamataŭ, ekśpiertaŭ i pradstaŭnikoŭ mižnarodnych arhanizacyj.
15 lipienia Cichanoŭskaja vystupić na panelnaj dyskusii «Jeŭropa ŭ pieryjad pieramien». Razam ź joj udzieł u abmierkavańni voźmuć hienieralny sakratar Jeŭrapiejskaj słužby źniešnich dziejańniaŭ Bielen Marcines Karbanel i ministr abarony i źniešniaha handlu Bielhii Tea Frankien. Maderataram sustrečy stanie ahladalnik vydańnia The Washington Post Piter Špihiel.
U prahramie forumu taksama zajaŭlenyja prezidentka Hienieralnaj Asamblei AAN Analena Bierbak, były Viarchoŭny hałoŭnakamandujučy Abjadnanymi ŭzbrojenymi siłami NATA ŭ Jeŭropie Krystafier Kavoli, kiraŭnik Mižnarodnaha enierhietyčnaha ahienctva Facich Biral, były namieśnik dziaržaŭnaha sakratara ZŠA Styvien Bihan, amierykanskija sienatary, pradstaŭniki Biełaha doma, NATA, Jeŭrapiejskaha sajuza, a taksama mižnarodnych kampanij i viadučych srodkaŭ masavaj infarmacyi.
Cichanoŭskaja: Kali buduć svabodnyja vybary, ja ŭ ich udzielničać nie budu. Ale ciapier nie čas kankuravać
Sakreta z kryŭdaj raskazaŭ, jak namieśnica kiraŭnika MZS Litvy addała pieravahu Cichanoŭskaj, a nie jamu
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu
Cichanoŭskaja pryjechała na chutar da byłych palitviaźniaŭ
Cichanoŭskaja pavinšavała amierykancaŭ z Dniom niezaležnaści
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»5
Kamientary