Rasijanina, jaki žyŭ u Žłobinie, asudzili pa troch palityčnych artykułach za kamientary ŭ telehramie
Uładzimir Karčeŭny pakinuŭ Maskvu i pasialiŭsia ŭ Biełarusi, ale jahonyja vykazvańni ŭ telehram-čatach pryviali da kryminalnaj spravy. Mužčynu abvinavacili adrazu pa niekalkich ciažkich artykułach i adpravili za kraty.
Uładzimiru Karčeŭnamu 42 hady, jon naradziŭsia 19 lipienia 1984 hoda ŭ Maskvie. U siaredzinie nulavych mužčyna pierabraŭsia ŭ Biełaruś i pasialiŭsia ŭ Žłobinie.
Paśla niekalki hadoŭ pracavaŭ u Polščy. Paźniej viarnuŭsia ŭ Biełaruś i pierabraŭsia ŭ ahraharadok Ščytkavičy Staradarožskaha rajona Minskaj vobłaści.
U volny čas Uładzimir lubiŭ hulać pa lesie sa svaim sabakam Bruna.
Viadoma, što Uładzimir maje praŭkrainskija pohlady. Padobna, za kamientary ŭ padtrymku Ukrainy jaho i zatrymali.
Homielski abłasny sud vynies jamu abvinavaŭčy prysud adrazu pa troch artykułach Kryminalnaha kodeksa: za dyskredytacyju Biełarusi (art. 369-1), zakliki da sankcyj ci inšych dziejańniaŭ na škodu nacyjanalnaj biaśpiecy (č. 3 art. 361) i abrazu Łukašenki (č. 1 art. 368).
Karčeŭnamu prysudzili kałoniju, ale dakładny termin nieviadomy.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 9594 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆCiapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary