Byłoha hukarežysiora BT asudzili da kałonii paśla viartańnia z Polščy
Juryj Traščynski bolš za dvaccać hadoŭ pracavaŭ na dziaržaŭnym telebačańni. Ale paśla viartańnia z-za miažy jaho zatrymali i kinuli za kraty za supracoŭnictva ź niezaležnym radyjo.
Juryj Traščynski naradziŭsia 20 śniežnia 1967 hoda. U 1986—1988 hadach Traščynski prachodziŭ terminovuju słužbu ŭ Maskvie, pryčym u elitnym Kramloŭskim pałku. Heta taja zakrytaja vajskovaja čaść 1005, jakaja adkazvała za biaśpieku vyšejšaha kiraŭnictva SSSR, niesła hanarovuju vartu i achoŭvała maskoŭski Kreml.
Paśla pastupiŭ u Minski radyjotechničny instytut (ciapier — BDUIR) i skončyŭ jaho ŭ 1993 hodzie. Bolš za 20 hadoŭ mužčyna adpracavaŭ hukarežysioram u Biełteleradyjokampanii.
Pa źviestkach «Radyjo Racyja», paśla prezidenckich vybaraŭ 2020 hoda Juryj padpisaŭ pietycyju suprać hvałtu z boku siłavikoŭ, a paźniej źjechaŭ u Polšču.
Siłaviki zatrymali Traščynskaha 15 listapada 2025 hoda, jak tolki jon viarnuŭsia z-za miažy ŭ Minsk. Spačatku byłoha hukarežysiora kinuli na Akreścina na 15 sutak pa administracyjnaj spravie, ale na volu jon tak i nie vyjšaŭ.
Suprać mužčyny raspačali kryminalnuju spravu i pieraviali ŭ minski SIZA № 1, a napiaredadni suda etapavali ŭ Homiel.
Sudzili Juryja ŭ Homielskim abłasnym sudzie. 4 maja 2026 hoda sudździa Siarhiej Sałoŭski pryznaŭ jaho vinavatym va «ŭdziele ŭ ekstremisckim farmavańni» za supracoŭnictva z «Radyjo Racyja».
Jak paviedamlała Biełaruskaja asacyjacyja žurnalistaŭ, Traščynskamu prysudzili 2,5 hoda kałonii ahulnaha režymu i štraf u pamiery 22 500 rubloŭ. Prysud užo ŭstupiŭ u siłu — Traščynski adbyvaje pakarańnie ŭ kałonii.
«Naša Niva» — bastyjon biełaruščyny
PADTRYMAĆCiapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary