Siejm Łatvii padtrymaŭ novyja abmiežavańni na impart tavaraŭ ź Biełarusi i Rasii
Siejm Łatvii 23 lipienia ŭ kančatkovym čytańni pryniaŭ papraŭki da zakona ab padtrymcy mirnaha nasielnictva Ukrainy, jakija praduhledžvajuć pašyreńnie nacyjanalnych abmiežavańniaŭ na impart tavaraŭ biełaruskaha i rasijskaha pachodžańnia, paviedamiła pres-słužba łatvijskaha parłamienta.
Zhodna z novymi praviłami, u Łatviju budzie zabaronieny ŭvoz šerahu pramysłovych tavaraŭ, vyrablenych u Rasii abo Biełarusi. Siarod ich — knihi, haziety, videahulni, spartyŭnyja tavary, cacki, adzieńnie i abutak.
Abmiežavańni buduć dziejničać i ŭ tym vypadku, kali hetyja tavary ŭvoziacca praź inšyja krainy, ale ich krainaj pachodžańnia źjaŭlajucca Rasija abo Biełaruś. Dakładny pieralik pradukcyi, na jakuju raspaŭsiudžvajecca zabarona, paźniej vyznačyć urad Łatvii.
Staršynia parłamienckaj kamisii pa abaronie, unutranych spravach i praduchileńni karupcyi Rajmands Bierhmanis zajaviŭ, što pryniatyja papraŭki nakiravanyja na dalejšaje skaračeńnie ekanamičnych suviaziaŭ z Rasijaj i Biełaruśsiu pry adnačasovym zachavańni padtrymki Ukrainy.
Novyja normy taksama raspaŭsiudžvajucca na asobnyja katehoryi tavaraŭ, jakija, na dumku łatvijskich uładaŭ, mohuć vykarystoŭvacca dla raspaŭsiudžvańnia prapahandy i dezynfarmacyi.
Akramia taho, urad budzie abaviazany da 1 sakavika kožnaha hoda aceńvać upłyŭ impartnych abmiežavańniaŭ na biaśpieku dziaržavy i hramadskija intaresy, a taksama padavać Siejmu adpaviednuju spravazdaču.
Zakon ustupić u siłu na nastupny dzień paśla jaho aficyjnaha abviaščeńnia. Praduhledžana, što ŭstanoŭlenaja im zabarona na impart budzie dziejničać da 1 lipienia 2027 hoda.
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary