Infarmacyju pra pieranos terminaŭ na dva hady jon nazvaŭ fejkam.
Budaŭnictva staličnaj padziemki idzie stroha pa hrafiku, zajaviŭ staršynia Minharvykankama Uładzimir Kucharaŭ u efiry telekanała «Biełaruś 1». Infarmacyju pra pieranos terminaŭ na dva hady jon nazvaŭ fejkam, piša Tochka.by.
Budaŭnictva druhoj čarhi treciaj, Zialonałužskaj linii mietro płanujuć zaviaršyć u 2028 hodzie.
Hetaja vietka zakranie płošču Banhałor i projdzie da vulicy Mielnikajcie [budzie try stancyi: «Park Družby narodaŭ», «Kamaroŭskaja» i «Piarespa»]. Ciapier viadziecca budaŭnictva troch stancyj na hetym učastku.
«My zakupili druhi tuneleprachodčy kompleks, jaki ŭžo pracuje pad ziamloj. Heta značna paskaraje pracesy. My možam paralelna pracavać nad prakładkaj tunelaŭ. My taksama spraścili pytańni vynasu sietak. Ciapier heta daść surjozny vynik u paskareńni tempaŭ», — adznačyŭ kiraŭnik horada.
Pavodle jaho słoŭ, u 2027 hodzie płanujecca pačatak budaŭnictva čaćviortaj, kalcavoj linii mietro. Jana dazvolić značna palepšyć transpartnuju łahistyku ŭ miežach padziemki i absłuhoŭvać značna bolšuju kolkaść pasažyraŭ.
Cikava, što aficyjnaja hazieta «Biełaruś siońnia» ŭ kancy žniŭnia pisała, što zaviaršeńnie druhoj čarhi płanujecca da 2030 hoda.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ80
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary