Čytač vydańnia Myfin.by Alaksandr raskazaŭ, što padčas pajezdki ŭ Niaśvižski zamak zajšoŭ u miascovuju suvienirnuju kramu i źviarnuŭ uvahu na ceńnik z uražlivaj ličbaj.
«Dumaŭ, što pamyliŭsia ličbami, — vyrašyŭ, što tam napisana, moža, 85 rubloŭ ci, dobra, 858 rubloŭ. Ale nie vosiem z pałovaj tysiač. Upieršyniu baču ŭ suvienirnaj łaŭcy Biełarusi nastolki darahuju reč», — ździŭlajecca Alaksandr.
Na ceńniku paznačana, što pojas za 8 580 BYN zrobleny ŭ Biełarusi (vytvorca — «Słuckija pajasy»), jaho pamiery składajuć 325 na 32 santymietry.
Darečy, heta jašče nie samy darahi słucki pojas — na sajcie halerei ramiostvaŭ «Słavutaść» jość varyjanty pajasoŭ za 10 tysiač BYN i za 11 tysiač BYN.
Reč u tym, što vytvorčaść takoha pojasa sama pa sabie darahaja. U repartažy STB Taćciana Novik, ekskursavod muzieja historyi słuckich pojasaŭ pradpryjemstva «Słuckija pajasy», tłumačyła, što vyrab kłasičnaha pojasa pamieram 3,5 mietra na 35 santymietraŭ zajmaje 60 hadzin (heta značyć 1,5 tydnia pracy pry 8‑hadzinnym pracoŭnym dni na «piacidzioncy»). Pradpryjemstva vykarystoŭvaje naturalny šoŭk z dadavańniem zołata abo srebra, choć vypuskaje taksama i varyjanty sa štučnaha materyjału. Vykarystoŭvajecca stanok, anałahaŭ jakomu nibyta niama ŭ śviecie.
Śviežavyrablenyja słuckija pajasy vykarystoŭvajuć, naprykład, u jakaści dypłamatyčnaha padarunku — ciapierašniaj viasnoj Alaksandr Łukašenka daryŭ pojas Kim Čen Ynu padčas vizitu ŭ KNDR.
Nacyjanalny mastacki muziej nabyŭ słucki pojas daŭžynioj bolš za čatyry mietry
Top biełaruskich švedraŭ na luby hust — z Paleśsiem, słuckimi pajasami ci lalkami-abiarehami
Łukašenka padaryŭ Kim Čen Ynu aŭtamat
«Łuč» vypuściŭ novuju kalekcyju ŭ styli słuckich pajasoŭ
Kolki ž napraŭdzie kaštavali słuckija pajasy? Zusim nie hetulki, jak platuć
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary