Były kiraŭnik niamieckaj raźviedki aryštavany pa padazreńni ŭ špijanažy
Aŭhust Chaninh uznačalvaŭ niamieckuju raźviedku z 1998 da 2005 hoda.
Były kiraŭnik Fiederalnaj raźviedvalnaj słužby Hiermanii (BND) Aŭhust Chaninh aryštavany pa padazreńni ŭ špijanažy. Chaninh uznačalvaŭ BND z 1998 da 2005 hoda, piša Bild.
Byłoha kiraŭnika niamieckaj raźviedki abvinavačvajuć u zbory źviestak, jakija majuć dziaržaŭnuju tajamnicu, dziaržaŭnaj zdradzie i špijanažy na karyść zamiežnaj dziaržavy. Pavodle danych Bild, Chaninh kuplaŭ sakretnuju infarmacyju ŭ supracoŭnika kirujučaha štaba BND, jaki niadaŭna vyjšaŭ u adstaŭku, kab «pierapradavać jaje dalej». Rasśledavańnie ŭ dačynieńni da Chaninha i jaho mierkavanaha saŭdzielnika viadzie fiederalny hienieralny prakuror.
Viadoma, što Chaninh pracavaŭ va ŭsim śviecie ŭ jakaści kansultanta ŭ śfierach biaśpieki i biźniesu. Jon taksama mieŭ suviazi z Rasijaj i Kitajem, u tym liku ź dziaržaŭnymi strukturami. U apošni čas jon sutyknuŭsia ź finansavymi ciažkaściami praz bankructva banka ŭ krainach Bałtyi, členam naziralnaj rady jakoha jon byŭ.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2020
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich20
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Škandal ź im byŭ jašče ŭ minułym dziesiacihodździ, ale jak chedekam treba vykidvać niešta pad vybary, pajšli ŭ raschod zainiełyja palityčnyja trupy.