«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki
Siarhiej «Bulba» Suhakoŭ zarablaŭ na žyćcio ramontam kvater u rodnym horadzie i Rasii, a ŭ 2017 hodzie vychodziŭ na pratesty suprać dekreta ab darmajedstvie.
51‑hadovy Siarhiej Suhakoŭ rodam z Oršy. Doŭhi čas jon jeździŭ na zarobki ŭ Maskvu, dzie ŭ pačatku 2000‑ch pryciahvaŭsia da administracyjnaj adkaznaści za pražyvańnie biez prapiski, a paźniej trapiŭ u bazy niepłacielščykaŭ pa kredytach.
U sakaviku 2017 hoda, kali pa Biełarusi prakaciłasia chvala pratestaŭ, Suhakoŭ byŭ siarod udzielnikaŭ Marša niedarmajedaŭ u Oršy.
U rodnym horadzie mužčyna zajmaŭsia budaŭnictvam i azdableńniem.
Na jaho avatarcy ŭ «Adnakłaśnikach» u niejki momant źjaviŭsia rasijski ściah. A ŭ 2026 hodzie aršaniec dałučyŭsia da rasijskaj armii dla ŭdziełu ŭ vajnie suprać Ukrainy. Jon atrymaŭ pazyŭny «Bulba». 21 žniŭnia 2026 hoda mužčyna pajšoŭ na bajavoje zadańnie, paśla čaho suviaź ź im abarvałasia.
Z pačatku vieraśnia jahonaja siastra Volha šukała brata ŭ profilnych Z-čatach.
A zusim niadaŭna žančyna pačała šukać kantakty vajskovych špitaloŭ u Rastovie i Kalininhradzie i raspytvać, ci puskajuć tudy svajakoŭ ź Biełarusi. Heta značyć, što abo Siarhiej byŭ ciažka paranieny, abo pamior i jaho treba apaznać.
«Naša Niva» — bastyjon biełaruščyny
PADTRYMAĆBiełaruski recydyvist, jaki nidzie nie pracavaŭ, akramia kałonij, pajšoŭ vajavać za Rasiju. Ciapier u pałonie
Biełarus, jaki staŭ rasijskim najomnikam, viarnuŭsia ŭ Słuck — biez uvahi z boku siłavikoŭ. Zaklikaje inšych nie pamirać za Rasiju
Były biełaruski palitviazień daŭ svajo tłumačeńnie tamu, što pajšoŭ vajavać za Pucina
Kamientary