Kodavaje słova «parabała»: u Minsku zatrymali kurjera telefonnych afierystaŭ
Małady čałaviek, sam taho nie padazrajučy, staŭ kurjeram telefonnych afierystaŭ.
Supracoŭniki kryminalnaha vyšuku Maskoŭskaha RUUS stalicy zatrymali 22‑hadovaha minčuka, jaki vykonvaŭ rolu kurjera telefonnych ašukancaŭ, dumajučy, što dapamahaje milicyi, piša BiełTA.
Spačatku jamu patelefanavaŭ nibyta pradstaŭnik mabilnaha apieratara i pad padstavaj padaŭžeńnia damovy pierakanaŭ nazvać kod z paviedamleńnia.
Uśled za hetym byli telefanavańni ad iłžesiłavikoŭ, jakija zajavili, što ź jaho bankaŭskaha rachunku ažyćciaŭlajucca padazronyja finansavyja pieravody za miažu i ŭžo zaviedziena kryminalnaja sprava.
Pad psichałahičnym ciskam i pahrozami chłopca pieraklučyli na psieŭdasupracoŭnika prakuratury, jaki zapatrabavaŭ zadekłaravać usie źbieražeńni i akazać sadziejničańnie śledstvu.
Kali vyśvietliłasia, što najaŭnych hrošaj u chłopca niama, a kredyt atrymać nie ŭdałosia, afierysty prapanavali jamu stać pazaštatnym supracoŭnikam i vykonvać kurjerskija daručeńni.
Dziejničajučy pa instrukcyjach kurataraŭ, minčuk zabraŭ pa atrymanych kaardynatach pakiet z bolš čym 20 tys. rubloŭ, pieramataŭ jaho skotčam i pakinuŭ va ŭmoŭlenym miescy. Pry hetym jamu skazali pakinuć sabie kala 400 rubloŭ i pieradać ich pry nastupnym daručeńni.
Na nastupny dzień fihurant pa kodavym słovie «parabała» zabraŭ kanviert z najaŭnymi ŭ niepaŭnaletniaha i pieravioŭ na ŭkazanyja rekvizity bolš za 5 tys. rubloŭ, dadaŭšy da hetaj sumy 1 tys. rubloŭ z ułasnaha zarobku z aficyjnaha miesca pracy.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»9
Kamientary