NASA paskaraje padrychtoŭku da misii «Artemida IV», u miežach jakoj płanujecca vysadzić astranaŭtaŭ na Miesiac u 2028 hodzie. Kiraŭnictva amierykanskaha kaśmičnaha ahienctva pradstaviła płan paskareńnia rabot i aptymizacyi techničnych patrabavańniaŭ, kab ukłaścisia ŭ vyznačanyja terminy.
Na admysłovaj pres-kanfierencyi kiraŭnik NASA Džared Ajziekman i inšyja pradstaŭniki ahienctva raskazali pra miery, nieabchodnyja dla biaśpiečnaj vysadki astranaŭtaŭ. Pa słovach Ajziekmana, da prybyćcia ekipaža na Miesiacy ŭžo buduć znachodzicca miesiacachod i bazavyja moduli, jakija dazvolać ludziam zastavacca tam praciahły čas.
Kiraŭnik prahramy «Artemida» Džeremi Parsans paviedamiŭ, što nad stvareńniem pasadačnych modulaŭ dla Miesiaca adnačasova pracujuć dźvie pryvatnyja kampanii — SpaceX Iłana Maska i Blue Origin Džefa Biezasa. NASA imkniecca vyznačyć, jakaja ź ich budzie dastaŭlać astranaŭtaŭ na pavierchniu Miesiaca, jak maha paźniej, pakolki abiedźvie kampanii rychtujucca vykanać hetu zadaču va ŭstanoŭlenyja terminy.
Apošni raz ludzi vysadžvalisia na Miesiac u śniežni 1972 hoda padčas misii «Apałon-17». Ekipaž pravioŭ na pavierchni bolš za try dni, sabraŭ uzory miesiacovaha hruntu i pravioŭ navukovyja ekśpierymienty. Z taho času ludzi bolš nie stupali na pavierchniu spadarožnika Ziamli.
1 krasavika hetaha hoda ŭ miežach misii «Artemida II» startavaŭ kaśmičny karabiel «Aryjon» z čatyrma astranaŭtami na borcie. Heta byŭ pieršy piłatavany palot da Miesiaca z 1972 hoda i pieršy za bolš čym paŭstahodździa palot ludziej za miežy nizkaj kalaziamnoj arbity. Ekipaž viarnuŭsia na Ziamlu 11 krasavika.
Paśla hetaha NASA abviaściła imiony astranaŭtaŭ, jakija ŭvojduć u ekipaž misii «Artemida III», zapłanavanaj na 2027 hod. Jany pavinny buduć vykanać šerah składanych vyprabavańniaŭ na kalaziamnoj arbicie. Hetyja vyprabavańni majuć vyrašalnaje značeńnie dla padrychtoŭki da misii «Artemida IV» i zapłanavanaj vysadki ludziej na Miesiac u 2028 hodzie.
NASA nazvała imiony členaŭ ekipaža misii «Artemida-3» — čarhovaha etapu na šlachu da vysadki na Miesiac
Rakieta Blue Origin, što vybuchnuła padčas vyprabavańniaŭ, stavić pad sumnieńnie płany NASA viarnucca na Miesiac
NASA płanuje da 2032 hoda raźviarnuć na Miesiacy žyłuju stancyju
Pieršym jeŭrapiejcam, jaki palacić da Miesiaca, stanie astranaŭt z Hiermanii
Kamientary