Kali ich nie apiaredzić Kitaj.
NASA paviedamiła padrabiaznaści pra rabatyzavanyja pasadačnyja moduli, «skačučyja» drony i aparaty, jakija płanujecca adpravić na Miesiac u ramkach amierykanskich płanaŭ pa stvareńni miesiacovaj bazy, piša Bi-bi-si.
Kaśmičnaja kampanija zasnavalnika Amazon Džefa Biezasa Blue Origin — adna ź niekalkich kampanij, abranych dla stvareńnia hetych aparataŭ.
ZŠA chočuć viarnuć amierykancaŭ na Miesiac da taho, jak prezident Donald Tramp pakinie svaju pasadu ŭ 2028 hodzie.
Adnak NASA kankuruje z Kitajem za viartańnie ludziej na Miesiac, a heta značyć, što kaśmičnaje ahienctva znachodzicca pad ciskam, kab vyhladać pieramožcam u novaj kaśmičnaj honcy.
Kitaj prasoŭvajecca napierad sa svaimi płanami pa vysadcy ludziej na Miesiac da 2030 hoda.
U paniadziełak jon zapuściŭ svoj kaśmičny karabiel «Šeńčžoŭ-23», adpraviŭšy ekipaž astranaŭtaŭ na kitajskuju arbitalnuju stancyju «Ciańhun».
U sakaviku NASA abviaściła pra prahramu koštam 20 młrd dołaraŭ pa budaŭnictvie da 2032 hoda pastajannaj bazy na paŭdniovym polusie Miesiaca, jakaja pracuje na jadziernaj i soniečnaj enierhii.
Kiraŭnik NASA Džared Ajziekman zajaviŭ u aŭtorak, što ZŠA «nikoli bolš nie admoviacca ad Miesiaca».
Stvareńnie bazy na Miesiacy dazvoliła b ZŠA pravodzić navukovyja ekśpierymienty, patencyjna zdabyvać kaštoŭnyja resursy i zrabić paloty na Mars bolš prostymi.
Adnak bolšaść ekśpiertaŭ zhodnyja z tym, što abaznačanyja NASA terminy nierealistyčnyja.
Niahledziačy na pośpiech ZŠA z adpraŭkaj čatyroch astranaŭtaŭ vakoł Miesiaca ŭ ramkach misii «Artemida II» u krasaviku, niekatoryja navukoŭcy ličać, što Kitaj, chutčej za ŭsio, stanie nastupnaj krainaj, jakaja vysadzić ludziej na miesiacovuju pavierchniu.
«Mianie nikolki nie ździvić, kali Kitaj zrobić heta pieršym», — skazaŭ Bi-bi-si Simieon Barbier, śpiecyjalist pa miesiacovych daśledavańniach z brytanskaha Adkrytaha ŭniviersiteta, spasyłajučysia na niaŭdačy NASA ŭ zabieśpiačeńni mahčymaści vysadki čałavieka na Miesiac.
Prahrama Ignition Moon Base składajecca z troch etapaŭ.
Pierš čym adpravicca na Miesiac z ekipažam, NASA choča adpravić tudy rabatyzavanyja pasadačnyja moduli i «skačučyja» drony dla daśledavańniaŭ i kartahrafavańnia składanaha reljefu Miesiaca.
Płanujecca taksama vykarystoŭvać transpartnyja srodki, zdolnyja pieramiaščać astranaŭtaŭ pa miesiacovaj pavierchni i nieści srodki suviazi i navukovyja prybory.
U aŭtorak NASA zajaviła, što kantrakty na stvareńnie hetych mašyn dastanucca takim kampanijam, jak Blue Origin, Intuitive Machines i Astrobotic.
Pa zadumcy NASA, miesiacovy pasadačny modul kampanii Blue Origin pad nazvaj Endurance moh by ažyćciaŭlać dakładnyja pasadki, a taksama aŭtanomnuju navihacyju i kiravańnie.
Pasadačny modul Griffin-1 kampanii Astrobotic, jak miarkujecca, ździejśnić pasadku ŭ kratery Nobile niedaloka ad Paŭdniovaha polusa.
Hetyja aparaty taksama dastaviać navukovyja prybory, uklučajučy kamiery vysokaj raździalalnaści i instrumienty, jakija vykarystoŭvajuć adlustravanaje łaziernaje śviatło pry pasadcy.
Hetaja rabatyzavanaja daśledčaja prahrama pavinna praciahnucca da 2029 hoda, u ramkach jakoj na Miesiac budzie ažyćcioŭlena 25 zapuskaŭ i dastaŭlena 4 tony hruzu, zajaviŭ u aŭtorak kiraŭnik prahramy miesiacovych baz Karłas Harsija-Hałan.
Dalej NASA płanuje pabudavać na Miesiacy jadziernyja i soniečnyja enierhietyčnyja ŭstanoŭki, uklučajučy reaktary.
Da 2032 hoda, jak raźličvajuć u NASA, ludzi mahli b žyć na Miesiacy ŭ «paŭpastajannych» miescach dla žylla.
Miesiacovyja ŭsiudychody dazvolili b astranaŭtam pieraadolvać vialikija adlehłaści pa kamianistaj pavierchni.
Paŭdniovy polus Miesiaca asabliva pryvabny, pakolki zamierzłaja vada mahła b vykarystoŭvacca dla pićcia abo vytvorčaści kisłarodu.
Adnak płany NASA zaležać ad hatoŭnaści kaśmičnaha karabla, zdolnaha biaśpiečna dastavić ludziej na Miesiac.
Kampanija Iłana Maska SpaceX atrymała kantrakt na stvareńnie kaśmičnaha karabla pad nazvaj Starship Human Landing System, ale sutyknułasia z šmatlikimi ciažkaściami i zatrymkami.
«Abmiažoŭvalnym faktaram zastajecca vysadka astranaŭtaŭ na pavierchniu, — kamientuje Barbier. — Jak mnie zdajecca, [NASA] adčuvaje, što im para pačać havaryć pra najaŭnaść płanaŭ. Tamu ja dumaju, što za hetym jość vialikaja palityčnaja padaploka».
-
Džył Bajden zajaviła, što padčas niaŭdałych pieradvybarčych debataŭ z Trampam joj padałosia, byccam u jaje muža prosta na scenie zdaryŭsia insult
-
Braniavik z kulamiotam i viertalot u niebie. Achovu Pucina ŭ Astanie biesprecedentna ŭzmacnili
-
Kitaj z dapamohaj štučnaha intelektu pieratvaraje svaju sistemu nazirańnia ŭ instrumient «prahnastyčnaha» kantrolu
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała21
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu4949
Kamientary
Toža mnie mety: kosmas, Miesiac, navuka, achova zdaroŭja, padjom ŭzroŭnia žyćcia svajho nasielnictva. A Kijeŭ za try dni, a Danbas za miesiac, a 540młrd dalaraŭ na zabojstvy va Ukrainie - nie žadali? Voś jakija byvajuć "sapraŭdnyja mety" ŭ nieludziej.
Cytata: "Po ocienkam niezavisimych ekśpiertov i na osnovie raskrytych dannych rośsijskoho Minfina, s načała połnomasštabnoho vtoržienija v fievrale 2022 hoda po 2026 hod na vojnu v Ukrainie było potračieno około 42–44 trillionov rublej (ekvivalentno $540–550 milliardam)"
Ja, spadziajusia, ŭsie razumiejuć (a ź niekatorych por, ja ŭ hetym nie byvaju ŭpeŭnieny), što heta byŭ moj sarkazm.
V 1969 hodu ludi jakoby letali na Łunu na komṕjutierie słabieje kalkulatora.
A v 2026 NASA užie 15 let risujet CGI-animacii i pierienosit Artemis.
Saturn V «utierian».
Tielemietrija častično potieriana.
Orihinalnyje zapisi tožie.
Skafandry zanovo razrabatyvajut počti s nula.
No pri etom k 2032 chotiat «žiłuju bazu» na Łunie 😄
To jesť snačała 50 let nie možiem povtoriť,
a potom srazu łunnyj Airbnb? 🌕