Hurt «Bieź bileta» chejciać za hastroli ŭ Rasii. Vital Artyst adkazaŭ
Salist minskaha hurta «Bieź bileta» Vital Artyst, jaki vystupaje z kancertami ŭ Rasii, raskazaŭ pra niehatyŭnuju reakcyju, ź jakoj čamuści sutykajecca praz svaje hastroli. Maŭlaŭ, ludzi, jakija źjechali ź Biełarusi i Rasii, abražajuć jaho i pahražajuć. Choć, maŭlaŭ, dla vystupaŭ pierad rasijskaj publikaj u jaho jość važkija pryčyny.
Muzyka zadajecca pytańniem, dzie jamu jašče vystupać, kali jon žyvie ŭ Biełarusi i choča zajmacca muzykaj, padarožničać i dapamahać dzieciam. Na jahonuju dumku, muzyki nie pavinny nieści adkaznaść za toje, što adbyvajecca ŭ śviecie. Jon padkreślivaje, što jany, jak i ŭsie inšyja ludzi, chočuć miru i siabroŭskich adnosinaŭ z susiednimi krainami.
U jakaści prykładu muzykant pryvioŭ lidara hurta DDT Juryja Šaŭčuka, jaki praciahvaje žyć i vystupać u Rasii.
Jon pažadaŭ usim, chto źjechaŭ z krainy, pośpiechaŭ i mirnaha žyćcia, a taksama zaklikaŭ ludziej vučycca žyć pa-čałaviečy.
Hurt «Bieź bileta» pačaŭ paśla pierapynku ŭ čatyry hady hastralavać u Rasii z pačatku 2026 hoda. Pierad tym Vitala Artysta, salista i stvaralnika biełaruskaha hurta «Bieź Bileta», 19 kastryčnika 2025 hoda ŭklučyli ŭ bazu ŭkrainskaha sajta «Miratvorac», dzie publikujecca infarmacyja pra mierkavanych «prarasijskich terarystaŭ, sieparatystaŭ, najmitaŭ, vajennych złačyncaŭ i zabojcaŭ».
Pierad tym śpiavak vykłaŭ u tyktok rolik, dzie raspavioŭ pra svaju pajezdku ŭ Krym. Jon patłumačyŭ vybar kirunku ŭ tym liku ciažkaściami vandroŭki ŭ Jeŭropu i pacikaviŭsia ŭ padpisčykaŭ, ci nie «zaškvar» jeździć na akupavanuju Rasijaj paŭvyspu.
Kamientary
Tamu imitacyjaj dziejnaści dy vyhladam dapamohi režym pieramahčy dakładna nie atrymajecca. Hetak ža, jak i nie atrymajecca pad akupacyjaj "prosta zajmacca muzykaj".