Пачатак конкурсу — 11.00. Фінал конкурсу — 15.00. Уваход вольны!
12 сакавіка менчукі маюць магчымасць прысутнічаць на незвычайнай падзеі — 150 танцораў з самых розных рэгіёнаў Беларусі будуць спаборнічаць паміж сабою ў майстэрстве традыцыйнага беларускага танцу.
Каштоўнасць нацыянальнага танцу для нас яшчэ не раскрытая. Як ежа, узгадаваная на сваёй зямлі, найбольш карысная для чалавека, так і фізічныя практыкі, укарэненыя тут, даюць найбольшую карысць для тутэйшага. Скокі ў хвіліны радасці і шчасця, што вякамі ўкладаліся ў танец, — гэта амаль магічны рытуал, які ўзнаўляе жыццёвую моц таго, хто яго практыкуе, і, безумоўна, выдатная рэлаксацыя, добры настрой і гімнастыка для цела.
Людзі, якія бяруць удзел у конкурсе, падзеляцца сваім танцавальным досведам, улюбёнымі танцамі і вясёлым настроем — для ўсіх наведнікаў на працягу конкурснага дня будуць ладзіцца танцы падчас паўз і перапынкаў у спаборніцтвах.
Уваход на конкурс — вольны!
Лепшыя танцоры-ўдзельнікі конкурсу будуць узнагароджаны прызамі ад вытворцаў адметных беларускіх тавараў і паслуг, цэнтраў крэатыўных ідэй і прадуктаў беларускай сталіцы, сярод якіх: майстэрня Elen Carotte, брэнд беларускага адзення HONAR, інтэрнэт-крама актуальнага беларускага адзення LSTR Adzieńnie, крама настольных гульняў NASTOLKI.BY, этнакрама RAGNA.BY, інтэрнэт-крама SYMBAL.BY, якія з’яўляюцца партнёрамі конкурсу. Таксама партнёрамі конкурсу беларускага танца «МЯЦЕЛІЦА»выступілі Мінскі міжнародны адукацыйны цэнтр імя Іаханэса Рау, Беларускі партал TUT.BY, кампанія «ВІГМА», БМАgroup, падтрымалі конкурс прыватныя асобы: Ніна Шыдлоўская, Andrey Larry і іншыя.
Падчас конкурсу будзе гучаць жывая музыка ў выкананні мінскай капэлы «НА ТАКУ» пад кіраўніцтвам Аляксея Крукоўскага, ансамблі народнай музыкі в. Капаткевічы Петрыкаўскага раёна Гомельскай вобласці, п. Акцябрскага Гомельскай вобласці і іншыя.
Конкурс выканаўцаў беларускіх народных танцаў «МЯЦЕЛІЦА» адбудзецца ў Мінскім міжнародным адукацыйным цэнтры імя Іаханэса Рау (пр-т Газеты Праўда, 11). Пачатак конкурсу — 11.00. Фінал конкурсу — 15.00.
Праводзіць конкурс Школа традыцыйнага мастацтва супольна з Беларускім фондам культуры пры падтрымцы Грамадскай культурніцкай кампаніі «Будзьма беларусамі!».
Дадатковую інфармацыю можна атрымаць на старонках конкурсу ў сацыяльных сетках Вконтакте і Facebook або на сайце Школы традыцыйнага мастацтва www.trad.by
Комментарии