12 sakavika mienčuki majuć mahčymaść prysutničać na niezvyčajnaj padziei — 150 tancoraŭ z samych roznych rehijonaŭ Biełarusi buduć spaborničać pamiž saboju ŭ majsterstvie tradycyjnaha biełaruskaha tancu.
Kaštoŭnaść nacyjanalnaha tancu dla nas jašče nie raskrytaja. Jak ježa, uzhadavanaja na svajoj ziamli, najbolš karysnaja dla čałavieka, tak i fizičnyja praktyki, ukarenienyja tut, dajuć najbolšuju karyść dla tutejšaha. Skoki ŭ chviliny radaści i ščaścia, što viakami ŭkładalisia ŭ taniec, — heta amal mahičny rytuał, jaki ŭznaŭlaje žyćciovuju moc taho, chto jaho praktykuje, i, biezumoŭna, vydatnaja rełaksacyja, dobry nastroj i himnastyka dla cieła.
Ludzi, jakija biaruć udzieł u konkursie, padzielacca svaim tancavalnym dośviedam, ulubionymi tancami i viasiołym nastrojem — dla ŭsich naviednikaŭ na praciahu konkursnaha dnia buduć ładzicca tancy padčas paŭz i pierapynkaŭ u spabornictvach.
Uvachod na konkurs — volny!
Lepšyja tancory-ŭdzielniki konkursu buduć uznaharodžany pryzami ad vytvorcaŭ admietnych biełaruskich tavaraŭ i pasłuh, centraŭ kreatyŭnych idej i praduktaŭ biełaruskaj stalicy, siarod jakich: majsternia Elen Carotte, brend biełaruskaha adzieńnia HONAR, internet-krama aktualnaha biełaruskaha adzieńnia LSTR Adzieńnie, krama nastolnych hulniaŭ NASTOLKI.BY, etnakrama RAGNA.BY, internet-krama SYMBAL.BY, jakija źjaŭlajucca partniorami konkursu. Taksama partniorami konkursu biełaruskaha tanca «MIACIELICA»vystupili Minski mižnarodny adukacyjny centr imia Iachanesa Rau, Biełaruski partał TUT.BY, kampanija «VIHMA», BMAgroup, padtrymali konkurs pryvatnyja asoby: Nina Šydłoŭskaja, Andrey Larry i inšyja.
Padčas konkursu budzie hučać žyvaja muzyka ŭ vykanańni minskaj kapeły «NA TAKU» pad kiraŭnictvam Alaksieja Krukoŭskaha, ansambli narodnaj muzyki v. Kapatkievičy Pietrykaŭskaha rajona Homielskaj vobłaści, p. Akciabrskaha Homielskaj vobłaści i inšyja.
Konkurs vykanaŭcaŭ biełaruskich narodnych tancaŭ «MIACIELICA» adbudziecca ŭ Minskim mižnarodnym adukacyjnym centry imia Iachanesa Rau (pr-t Haziety Praŭda, 11). Pačatak konkursu — 11.00. Finał konkursu — 15.00.
Pravodzić konkurs Škoła tradycyjnaha mastactva supolna z Biełaruskim fondam kultury pry padtrymcy Hramadskaj kulturnickaj kampanii «Budźma biełarusami!».
Dadatkovuju infarmacyju možna atrymać na staronkach konkursu ŭ sacyjalnych sietkach Vkontaktie i Facebook abo na sajcie Škoły tradycyjnaha mastactva www.trad.by
Ciapier čytajuć
Łukašenka zajaviŭ pra hatoŭnaść pryjechać u Kijeŭ101
Kamientary