Датычнасць Масквы да выбухаў у Чэхіі: Расія можа страціць кантракт на 6 мільярдаў еўра
Меркаванае дачыненне спецслужбаў РФ да выбухаў на складзе боепрыпасаў у вёсцы Врбеціцы ў раёне горада Злін на ўсходзе Чэхіі ў 2014 годзе можа негатыўна адбіцца на прыцягненні расійскіх кампаній да тэндару на будаўніцтва новага энэргаблока АЭС «Дукаваны».
Пра гэта заявіў у суботу ўвечары журналістам віцэ-прэм'ер і кіраўнік Мінпрамгандлю краіны Карэл Гаўлічак, піша ТАСС.
«Падзеі, якія адбываюцца [устанаўленне датычнасці РФ да выбухаў], вядома ж, могуць паўплываць на тэндар, — сказаў ён. — Паступіла вельмі сур'ёзная інфармацыя. Любое падобнае дзеянне, калі яно будзе пацверджана, дакладна пацягне за сабой наступствы».
Чэхія вышле 18 расійскіх дыпламатаў і абвясціла ў вышук Пятрова і Башырава. Падазраюць іх датычнасць да выбухаў у 2014-м
29 сакавіка ўрад Чэхіі па прапанове Мінпрамгандлю ўключыла ў лік прэтэндэнтаў на ўдзел у тэндары расійскую дзяржкарпарацыю «Расатам», амерыкана-канадскую кампанію Westinghouse, французскую EDF і паўднёвакарэйскую KHNP.
Кошт кантракту ацэньваецца ў 162 млрд крон (прыкладна €6 млрд).
Пабудова энергаблока павінна пачацца не пазней за 2029 год, а яго ўвод у выпрабавальны рэжым чэшскія ўлады намецілі на 2036 год. Ён заменіць на АЭС адзін з чатырох дзеючых блокаў, якія былі збудаваныя ў 1985—1987 гадах. Станцыя забяспечвае 20% энергаспажывання ў Чэхіі.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары