Datyčnaść Maskvy da vybuchaŭ u Čechii: Rasija moža stracić kantrakt na 6 miljardaŭ jeŭra
Mierkavanaje dačynieńnie śpiecsłužbaŭ RF da vybuchaŭ na składzie bojeprypasaŭ u vioscy Vrbiecicy ŭ rajonie horada Źlin na ŭschodzie Čechii ŭ 2014 hodzie moža niehatyŭna adbicca na pryciahnieńni rasijskich kampanij da tendaru na budaŭnictva novaha enerhabłoka AES «Dukavany».
Pra heta zajaviŭ u subotu ŭviečary žurnalistam vice-premjer i kiraŭnik Minpramhandlu krainy Kareł Haŭličak, piša TASS.
«Padziei, jakija adbyvajucca [ustanaŭleńnie datyčnaści RF da vybuchaŭ], viadoma ž, mohuć paŭpłyvać na tendar, — skazaŭ jon. — Pastupiła vielmi surjoznaja infarmacyja. Luboje padobnaje dziejańnie, kali jano budzie paćvierdžana, dakładna paciahnie za saboj nastupstvy».
Čechija vyšle 18 rasijskich dypłamataŭ i abviaściła ŭ vyšuk Piatrova i Bašyrava. Padazrajuć ich datyčnaść da vybuchaŭ u 2014-m
29 sakavika ŭrad Čechii pa prapanovie Minpramhandlu ŭklučyła ŭ lik pretendentaŭ na ŭdzieł u tendary rasijskuju dziaržkarparacyju «Rasatam», amierykana-kanadskuju kampaniju Westinghouse, francuzskuju EDF i paŭdniovakarejskuju KHNP.
Košt kantraktu aceńvajecca ŭ 162 młrd kron (prykładna €6 młrd).
Pabudova enierhabłoka pavinna pačacca nie paźniej za 2029 hod, a jaho ŭvod u vyprabavalny režym češskija ŭłady namiecili na 2036 hod. Jon zamienić na AES adzin z čatyroch dziejučych błokaŭ, jakija byli zbudavanyja ŭ 1985—1987 hadach. Stancyja zabiaśpiečvaje 20% enierhaspažyvańnia ŭ Čechii.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary