Трэці кандыдат. У Роберта Кенэдзі-малодшага ўсё больш шанцаў уключыцца ў прэзідэнцкую гонку ў ЗША
За Кенэдзі-малодшага гатовы галасаваць аматары тэорый змоў, антываксеры, вельмі левыя і вельмі правыя, а таксама людзі, якія гавораць аб сваім расчараванні палітыкай.
Паводле ацэнак экспертаў, шанцы на з'яўленне трэцяга кандыдата ў прэзідэнцкай гонцы ў ЗША павялічваюцца з-за непапулярнасці двух асноўных прэтэндэнтаў — Байдэна і Трампа. Трэцім кандыдатам можа стаць Роберт Ф. Кенэдзі-малодшы — пляменнік прэзідэнта Джона Ф. Кенэдзі і сын былога міністра юстыцыі Роберта Ф. Кенэдзі, піша Bild.
У 14 найбольш важных нацыянальных апытаннях Кенэдзі-малодшы набірае ад 8% да 17% галасоў. Яго рэйтынг вышэйшы, чым у любога іншага трэцяга кандыдата з таго часу, як тэхаскі мільярдэр Рос Перо набраў 18,9% у 1992 годзе ў гонцы з Джорджам Бушам і Білам Клінтанам і дапамог Клінтану перамагчы.
Кенэдзі-малодшаму не хапіла зусім няшмат для таго, каб патрапіць на тэледэбаты, якія неўзабаве пройдуць на канале CNN. Прычына ў тым, што ён набраў больш за 15% галасоў толькі ў трох апытаннях, а для ўдзелу ў дэбатах трэба не менш за чатыры.
«Байдэн і Трамп не жадаюць праводзіць са мной дэбаты, а CNN незаконна пагадзіўся на іх умовы. Гэта не па-амерыканску і баязліва», — пракаментаваў сітуацыю сам Кенэдзі-малодшы.
Трамп рабіў супярэчлівыя заявы наконт свайго магчымага канкурэнта: у красавіку ён называў Кенэдзі-малодшага «добрым хлопцам, які можа нашкодзіць Байдэну», а ў маі — «самым тупым прадстаўніком клана Кенэдзі».
Дэмакраты хутчэй негатыўна настроены ў адносінах да Кенэдзі-малодшага: непублічна яны таксама гавораць пра радыкалізм магчымага кандыдата і адзначаюць, што яго палітычныя перавагі далёкія ад перакананняў яго бацькі.
Як паказваюць апытанні, за Кенэдзі-малодшага гатовыя галасаваць аматары тэорый змоў, адмоўнікі каранавіруса, вельмі левыя і вельмі правыя, а таксама людзі, якія гавораць аб сваім расчараванні ад палітыкі.
Сам Кенэдзі-малодшы, у прыватнасці, называў Covid-19 генна-інжынернай біязброяй і параўноўваў меры па барацьбе з каранавірусам з нацысцкімі парадкам.
Цяпер чытаюць
Што здарылася з Мікітам Мелказёравым, які раптоўна памёр ноччу?31
Каментары
Бастыэн толькі шчасьце паўднёвакарэйцаў выкідаць сьмецьце з карткай з НюЁрк Таймзу перадрукоўвае.