Прэзідэнт Украіны Уладзімір Зяленскі выказаў думку, што калі Дональд Трамп пераможа на восеньскіх выбарах у ЗША і пасля таго спыніць дапамогу Украіне, то ён стане «прэзідэнтам-лузерам».
«Няўжо ён хоча быць потым прэзідэнтам-лузерам? Давайце ўявім сабе, што, напрыклад, прэзідэнт Трамп вырашыў скончыць вайну за кошт Украіны і нейкім чынам у дыялогу мае пацвярджэнне з расійскага боку, ад Пуціна, што «стоп».
Украінцы не будуць з гэтым мірыцца, але тады ён [Трамп] можа сказаць: «Ну ўсё, я вам не даю ніякай падтрымкі, зброі няма, фінансаў няма». Дамовіцца з партнёрамі і яны таксама спыняць падтрымку. Вядома, Украіна без зброі, голымі рукамі, не зможа ваяваць са шматмільённым войскам», — прызнаў Зяленскі.
Але, паводле яго, такі крок прывядзе да таго, што ЗША страцяць статус сусветнага лідара:
«Уявіце на секунду, што пасля гэтага Пуцін пойдзе далей.
Дык кім будзе для ўсяго свету тады гэты новы прэзідэнт Злучаных Штатаў? Ён будзе вельмі слабым. А гэта кажа не пра яго, а пра інстытуцыйнасць Злучаных Штатаў. Яны не будуць лідарамі ў свеце. У іх будзе магутная эканоміка, але што тычыцца міжнароднага ўплыву, ён будзе роўны нулю.
І тады Пуцін пойдзе далей, разумеючы, што ЗША ўжо не той гулец. Тады на арэну будуць выходзіць іншыя аўтарытарныя лідары. І гэта рэальная трэцяя сусветная вайна».
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу8
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары