«Стымулюе ўсіх на заводзе». Прапагандыст Тур патлумачыў, навошта ў арганізацыі паўсюль уладкоўваюць штатных супрацоўнікаў КДБ
Вядомы прапагандыст Ігар Тур вырашыў «зайсці на саматабуіраваную тэму» і патлумачыць, «навошта ў грамадзянскіх арганізацыях з'яўляюцца «намеснікі па бяспецы» або іншыя спецыялісты з ліку супрацоўнікаў КДБ». Маўляў, апаненты рэжыму наіўна думаюць, што гэта для барацьбы з іншадумствам супрацоўнікаў, а насамрэч мэта больш высакародная.
Для барацьбы з іншадумствам сярод супрацоўнікаў, як сцвярджае Тур, гэтага не трэба:
«каб адсачыць рэальны або патэнцыйны пераход нейкага супрацоўніка арганізацыі Х на цёмны пратэстны бок — больш чым дастаткова праграмных сродкаў з «цэнтра», а таксама рапартаў легендаванага разведчыка, які/-ія, я вас запэўніваю, ёсць у любой беларускай арганізацыі, буйной па складзе калектыву, абаротцы або інвестыцыях».
Штатныя ж супрацоўнікі КДБ накіроўваюцца ў арганізацыі, як выказаўся прапагандыст,
«не для дадатковага кантролю за прадпрыемствам, а роўна наадварот — для стымулявання росту ККД арганізацыі».
Маўляў, у кожнай вялікай арганізацыі існуе свая кіраўнічая вертыкаль на чале з генеральным дырэктарам, а пад ім — намеснікі, начальнікі ўпраўленняў і кіраўнікі аддзелаў. У такой структуры ёсць месца і кумаўству, і заняццю пасад людзьмі неадпаведнай кваліфікацыі, і проста фармалізму. І генеральны дырэктар, нават калі бачыць кепскую сітуацыю, нібыта не заўсёды можа нешта зрабіць, бо гэта і парушае нейкую раўнавагу, і вымагае праходжання бюракратычных працэдур. І ўвогуле, «ў цэлым завод нібыта нармальна працуе — план выконвае сяк-так, хоць тэарэтычна маглі б і ўдвая больш, напэўна…»
«Нібыта як фармальна ўсё нармальна, па факце ж — і краіне дрэнна ад недаатрыманага прыбытку, і людзі ўсё бачаць у кіраванні, а раз так, то спусціўшы рукавы працуюць, і ўвогуле — такое сабе».
Шараговаму супрацоўніку «у якога душа баліць за завод», то і зрабіць без гэбэшнікаў у кіраўніцтве, на думку Тура, нічога немагчыма: «Наверх, у канцэрн або ў міністэрства, не напішаш, а калі і атрымаецца — спусцяць вырашаць праблему бо таго ж гендырэктару і яго вертыкалі, пра якую і пісаў. Так сабе атрымаецца, усё ж разумеем».
«А калі ў кіраўніцтве ёсць чалавек з прамым выхадам на іншае ведамства, і мякка кажучы — моцнае… Яму нават не абавязкова пісаць рапарт аб бягучым становішчы спраў на заводзе, які можа моцна адрознівацца ад справаздачы ў канцэрн ад гендырэктара. Сам факт таго, што такі рапарт можа ісці ў КДБ, а адтуль — куды заўгодна… Стымулюе ўсіх на заводзе не заплюшчваць вочы на праблемы, а працаваць нармальна. Гендырэктара, усіх намеснікаў, начальнікаў упраўленняў і аддзелаў», — расхвальвае наяўную сістэму Ігар Тур.
«Ніхто з кіраўніцтва з ім не спрачаецца». Якія былыя сілавікі абселі кіраўнічыя пасады буйных беларускіх прадпрыемстваў
«Кіберпартызаны» ўзламалі ўнутраную сетку БДУ і паназіралі, як там круцяцца жорны рэпрэсій
Тур: Беларускія спецслужбы будуць падтрымліваць «апазіцыю да апазіцыі»
Тур заявіў, што марш у Варшаве з дрона здымалі лукашэнкаўцы. Аказалася, яны падманулі польскага аператара
У загінулай у Сляпянцы дзяўчыне апазналі Яну Кастранкову2
Каментары