Вэнс прапанаваў Трампу звольніць Уолца за скандал з Signal, але той пакінуў яго з прынцыпу
Некалькі чалавек з атачэння прэзідэнта ЗША Дональда Трампа прапанавалі яму звольніць свайго дарадцу па нацбяспецы Майка Уолца з-за скандалу адносна перапіскі ў месенджары Signal, паведамляе выданне Politico. Але ён не пагадзіўся, каб не даваць падстаў для радасці апанентам.
Па словах суразмоўцаў выдання, 25 сакавіка віцэ-прэзідэнт ЗША Джэй Дзі Вэнс, кіраўнік апарата Белага дома Сьюзэн Уайлз і высокапастаўлены чыноўнік па кадрах Серхіа Гор прапанавалі Трампу разгледзець магчымасць звальнення Майка Уолца.
Крыніцы паведамілі, што Трамп нібыта пагадзіўся з тым, што Уолц дапусціў памылку, але ўрэшце вырашыў яго не звальняць па адной прычыне — каб не даць «ліберальным СМІ» і дэмакратам падставы заяўляць пра сваю рацыю.
Politico піша, што пасля таго, што здарылася, высокапастаўленых чыноўнікаў абурыла тое, што Уолц адмовіўся ўзяць на сябе адказнасць. Але больш за ўсё ў Белым доме былі расчараваныя тым, што ён сам не прапанаваў Трампу сваю адстаўку.
Нягледзячы на скандальную сітуацыю, Уолц усё яшчэ займае сваю пасаду, але гэта не значыць, што ён у бяспецы. Па словах двух чалавек, некаторыя прадстаўнікі адміністрацыі Трампа проста чакаюць адпаведнага моманту, каб пазбавіцца ад яго і тым самым развязаць сітуацыю.
«Яны пакуль што будуць яго падтрымліваць, але праз некалькі тыдняў яго не стане», — спрагназавала адна з крыніц.
Нагадаем, што 24 сакавіка галоўны рэдактар Atlantic Джэфры Голдберг расказаў, што яго выпадкова дадалі ў закрыты чат высокапастаўленых прадстаўнікоў адміністрацыі ЗША, у якім абмяркоўваліся дэталі аперацыі супраць хусітаў у Емене, распачатай 15 сакавіка.
У групавым чаце, па словах Голдберга, былі людзі з імёнамі Піт Хэгсет (міністр абароны ЗША), Марка Рубіа (дзяржсакратар), Джэй Ды Вэнс (віцэ-прэзідэнт) і іншыя, а дадаў яго чалавек па імені Майк Уолц (так завуць дарадцу прэзідэнта ЗША па нацбяспецы).
У Белым доме пазней пацвердзілі сапраўднасць перапіскі ў чаце, але заявілі, што сітуацыя з уключэннем у групу старонняга чалавека не стварыла пагрозу нацыянальнай бяспецы.
У той жа час эксперты і апаненты адміністрацыі Трампа лічаць тое, што адбылося абуральным парушэннем правілаў бяспекі і патэнцыйным парушэннем закона аб шпіянажы.
«Яны самі паклікалі мяне ў гэты чат, а цяпер называюць мярзотнікам». Галоўрэд Atlantic расказаў, чаму апублікаваў перапіску амерыканскіх сілавікоў у Signal
На абвінавачанні ў хлусні Atlantic апублікаваў новыя скрыншоты з урадавага чата ў Signal. Трамп адказаў новымі абразамі ў адрас галоўнага рэдактара
«Ён добры чалавек». Трамп не стаў звальняць свайго дарадцу пасля ўцечкі інфармацыі ў чат Signal
Міністр абароны ЗША адмаўляе ўцечку ваенных планаў праз чат у Signal. А Кангрэс патрабуе расследавання
Дарадца Трампа па нацбяспецы выпадкова дадаў журналіста ў сакрэтны чат у Signal. Раскрытыя механізмы прыняцця рашэнняў
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары