«Ён добры чалавек». Трамп не стаў звальняць свайго дарадцу пасля ўцечкі інфармацыі ў чат Signal
Прэзідэнт ЗША Дональд Трамп заявіў, што ўцечка звестак пра ўдары па еменскіх хусітах у чаце, арганізаваным дарадцам у нацбяспецы Белага дома Майклам Уолцам, не мела значных наступстваў. Таму ён застаецца на сваёй пасадзе.
«Майкл Уолц засвоіў урок, і ён добры чалавек», — заявіў Дональд Трамп у інтэрв'ю NBC News.
Пра ўцечку стала вядома пасля таго, як галоўрэд выдання The Atlantic Джэфры Голдберг расказаў, што чыноўнікі Белага дома выпадкова ўключылі яго ў перапіску ў месенджары Signal. Высокапастаўленыя асобы адміністрацыі ЗША, у прыватнасці, абмяркоўвалі атакі на пазіцыі хусітаў у Емене.
Трамп падкрэсліў, што прысутнасць журналіста ў закрытым абмеркаванні планаў амерыканскіх уладаў ніяк не паўплывала на правядзенне ваеннай аперацыі.
Адказваючы на пытанне, як яму патлумачылі тое, як Голдберг трапіў у чат у Signal, Трамп адказаў: «На тэлефоне быў адзін з людзей Майкла. У супрацоўніка быў яго (Голдберга) нумар».
Прэзідэнт ЗША выказаў упэўненасць у сваёй камандзе, заявіўшы, што ён не расчараваны падзеямі, якія прывялі да з'яўлення артыкула ў The Atlantic. Сітуацыя, па словах Трампа, была «адзіным збоем за два месяцы, і той аказаўся несур'ёзным».
Пасля паведамленняў пра ўцечку некаторыя амерыканскія СМІ дапускалі, што Уолц будзе зняты з пасады. Але Трамп вырашыў інакш.
Майкл Уолц займае пасаду дарадцы прэзідэнта ЗША па нацыянальнай бяспецы са студзеня.
Учора Мінск зноў затапіла. Чаму сталіца не гатовая да дажджоў?4
Каментары
Их действия показывают высшую степень некомпетентности и необразованности администрации трампа, впрочем, как и всех администрации лукашенко.
Имеем подбор кадров по личной преданности патрону, а не по профессинализму и компетенциям.
В принципе, администрация лукашенко и лично лукашенко, должны быть довольны таким положением дел, как внутри США, так и результатом деятельности администрации трампа вне США.