Выйшла кніга вершаў Міхала Анемпадыстава — ёсць і раней недрукаваныя
Выдавец Раман Цымбераў выпусціў новую кнігу паэзіі Міхала Анемпадыстава «Каб быць бліжэй да зорак», у якую ўвайшлі і творы, якія раней не друкаваліся, піша Bellit.info.
Міхал Анемпадыстаў (1964 — 2018) — адна з найпрыкметнейшых постацяў беларускага мастацтва: плакатыст, дызайнер, фотамастак, аўтар шматлікіх паэтычных твораў.
З 1990-х быў адным са стваральнікаў беларускай рок-паэзіі. Быў аўтарам ідэі і тэкстаў рок-мюзікла «Народны альбом» (1997), песень для беларускіх гуртоў і выканаўцаў «Новае неба», «N.R.M.», Касі Камоцкай і інш. У 2013 годзе выдаў зборнік сваіх вершаў «Глыбока, глыбока на дне філіжанкі кавы». Лаўрэат прэміі «Рок-каранацыя» (1996, 1997 гадах, у тым ліку за «Народны альбом» як найлепшы альбом года).
У 2019 годзе ў памяць пра мастака, паэта, фатографа, дызайнера, публіцыста, культуролага Міхала Анемпадыстава была заснаваная прэмія, што выдаецца за найлепшы дызайн кніжнай вокладкі.
Летась да 60-годдзя творцы выходзіла кніга «Ці помніш ты», у якую на той момант былі ўключаны амаль усе вершы паэта.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары