Пасля нарады, на якой Лукашэнка выказаўся пра якасць харчавання ў школьных сталовых, чыноўнікі адчыталіся аб вялікай праверцы ва ўстановах.
Камітэт дзяржаўнага кантролю заўважыў у школьных сталовых краіны «шматлікія факты парушэння тэхналогіі прыгатавання страў», перадае БелТа.
Напрыклад, у магілёўскай школе пры падрыхтоўцы біточкаў курыных замест прадугледжаных 14,5 кг мяса птушкі выкарыстоўвалі на 3,5 кг менш.
Таксама чыноўнікі заўважылі, што работнікі сталовых выносяць прадукты са школы.
«У харчблоку сярэдняй школы Салігорска падчас маніторынгу выяўленыя схаваныя ў шафах, сталах і пад спецвопраткай работнікаў пачкі з мукой, цукрам, 12 літраў соку. Па-ранейшаму значная частка прыгатаваных страў накіроўваецца ў адходы. У асобных выпадках навучэнцы не з'ядаюць да 40% прыгатаванай ежы», — адзначыла намесніца начальніка аддзела кантролю.
У некаторых школьных сталовых захоўваліся пратэрмінаваныя прадукты.
Разведка ЗША: Беларусь стала перадавым вайсковым плацдармам Расіі24
Каментары