Стан чатырох пацярпелых падчас інцыдэнту на «Беларуськаліі» па-ранейшаму ацэньваецца як стабільна цяжкі, паведамляе Мінздароўя.
Пацыенты былі шпіталізаваныя ў Рэспубліканскі апёкавы цэнтр Гарадской клінічнай бальніцы хуткай медычнай дапамогі Мінска.
«Двое пацярпелых падключаныя да апаратаў штучнай вентыляцыі лёгкіх — у іх цяжкая інгаляцыйная траўма. Двум пацыентам сёння праведзеныя аператыўныя ўмяшанні — хірургічная апрацоўка ран і этапнае выдаленне пашкоджаных тканак», — адзначылі ў Мінздароўі.
Паведамляецца, што супрацоўнікі цэнтра выкарыстоўваюць сучасныя методыкі для лячэння падобных траўмаў, аказваюць усю неабходную медычную дапамогу.
У пятніцу на 4‑м рудаўпраўленні «Беларуськалія» адбыўся разрыў пустой ёмістасці з-пад салянай кіслаты. Была пашкоджаная суседняя ёмістасць з салянай кіслатой, адбыўся выцек. Пацярпелі чатыры чалавекі: маладая жанчына і трое мужчын. Двум пацыентам правялі аперацыі да перавозкі ў Мінск.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары