З вызваленымі вязнямі ва Украіне сёння сустрэнуцца прадстаўнікі дэмсіл
Цягам бліжэйшых гадзінаў кіраўніца місіі ва Украіне Святлана Шаціліна і прадстаўнік па бяспецы Вадзім Кабанчук наведаюць вызваленых палітвязняў, адвезеных ва Украіну.

Як паведамляе Франак Вячорка, дарадца Святланы Ціханоўскай, прадстаўнікі дэмсіл высветляць тэрміновыя патрэбы, сітуацыю з дакументамі і магчымыя крокі па далейшай рэлакацыі.
Вячорка дадае, што разам з праваабаронцамі Офіс збірае кантакты родных вызваленых, а таксама камунікуе з партнёрамі ў ЕС па пытаннях легалізацыі. З украінскага боку працэс каардынуецца прадстаўнікамі ГУР.
«На цяперашні момант усім вызваленым аказваецца неабходная медыцынская дапамога. Мы вельмі ўдзячныя кіраўніку ГУР Кірылу Буданаву», — дадаў Франак Вячорка.
Каментары