Некалькі дзён таму ў сацсетках з’явілася відэа, дзе відаць, як воўк перамяшчаецца каля жылога мікрараёна Альшанка ў Гродне. Пасля гэтага на месца аператыўна выехалі паляўнічыя. Яны высветлілі, што драпежнік знаходзіцца ў пэўным лясным масіве і пакуль не пакідаў яго, піша БелТА.
З 20 студзеня звера спрабуюць высачыць, але яму ўдаецца пазбягаць пераследу. Як адзначаюць паляўнічыя, воўк — вельмі асцярожная і рухавая жывёла, якая не затрымліваецца доўга на адным месцы. Выхад драпежніка бліжэй да населеных пунктаў (яго бачылі больш чым за два кіламетры ад гарадской мяжы) можа тлумачыцца перыядам гону, а таксама маразамі і недахопам ежы.
Ёсць падставы меркаваць, што гэты ж воўк некалькі дзён таму задушыў сабаку на падворку ў вёсцы Струбка Гродзенскага раёна.
Пры гэтым спецыялісты адзначаюць, што колькасць ваўкоў у раёне невялікая, хоць падобныя выпадкі зрэдку здараюцца. Так, летам мінулага года каля аграгарадка Сапоцкін была забітая ваўчыца, якая нападала на сабак у прыватных гаспадарках. У сувязі з гэтым уладальнікам жывёлы раяць не пакідаць без нагляду авечак і коз, а таксама не выпускаць сабак за межы двара.
«Найлепшае ў жыцці — бачыць, як узлятаюць ці ўцякаюць тыя, каму мы дапамаглі». Беларуска расказала, як ратуе дзікіх жывёл
Рэдкага чорнага ваўка забілі паляўнічыя ў Лідскім раёне
«Ваўкі, якія доўга жылі з людзьмі». Пароды сабак пачалі развівацца яшчэ ў Каменным веку
Работніка заказніка, які забіў палкай ваўчаня, аштрафавалі
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары