Пра гэтую гісторыю стала вядома ў сярэдзіне верасня. У інтэрнэце з'явілася відэа, на якім супрацоўнік заказніка «Выганашчанскае» палкай забівае кульгавае ваўчаня на вачах у дзіцяці. Цяпер стала вядома, як пакаралі мужчыну.
Тады кадры здарэння выклікалі рэзананс: частка каментатараў патрабавала пакараць мужчыну, аднак некаторыя палічылі, што жывёла магла быць небяспечнай і хварэць на шаленства.
Дырэктар заказніка заяўляў, што супрацоўнік паступіў правільна, а Міністэрства прыродных рэсурсаў і аховы навакольнага асяроддзя паабяцала правесці праверку.
Як паведамілі ў эфіры тэлеканала АНТ, суд пакараў супрацоўніка заказніка штрафам (памер выплаты не ўдакладняецца), але мужчына абскардзіў рашэнне ў судзе вышэйшай інстанцыі, таму кропка ў гэтай гісторыі яшчэ не пастаўлена.
Высветлілася таксама, як відэа трапіла ў сацсеткі: мужчына сам адправіў запіс знаёмаму паляўнічаму.
Экспертыза паказала, што воўк шаленствам не хварэў.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў49
Каментары
То, как освещается ситуация в СМИ- однозначная манипуляция общественным мнением.