Стала вядома імя жанчыны, што загінула пры атацы дрона на аўтобус з дзецьмі-футбалістамі ў Бранскай вобласці
Пры атацы дрона загінула Вікторыя Гарошка (Грыцэнка), жонка рэчыцкага футбольнага трэнера.
Імя загінулай жанчыны назвалі «Анлайнеру» ў Гомельскай абласной федэрацыі футбола.
Вядома, што Вікторыя Гарошка родам з Луганска.
Жанчына суправаджала малых футбалістаў у паездцы на адпачынак у Геленджык. Гэта былі 11‑12 гадовыя дзеці, выхаванцы дзіцяча-юнацкіх спартыўных школ Гомеля і Рэчыцы.
Такія паездкі на аздараўленне ладзяцца штогод. Аўтобус ехаў па трасе Гомель — Бранск, калі ў яго, па заявах расійскіх улад, прыляцеў дрон.
У аўтобусе знаходзіліся 44 пасажыры, у тым ліку 28 дзяцей, паведамляе СК РФ.
Усяго пасля здарэння былі шпіталізаваныя сем чалавек. Адно дзіця, што трапіла пад абстрэл у Бранскай вобласці, знаходзіцца ў цяжкім стане. Вікторыя загінула.
«Астатнія пасажыры ў бліжэйшы час будуць вернутыя дадому», — гаворыцца ў паведамленні СК РФ.
Каментары
бацькі без мазгоў, а яна без жыцьця