Stała viadoma imia žančyny, što zahinuła pry atacy drona na aŭtobus ź dziećmi-futbalistami ŭ Branskaj vobłaści
Pry atacy drona zahinuła Viktoryja Haroška (Hrycenka), žonka rečyckaha futbolnaha treniera.
Imia zahinułaj žančyny nazvali «Anłajnieru» ŭ Homielskaj abłasnoj fiederacyi futboła.
Viadoma, što Viktoryja Haroška rodam z Łuhanska.
Žančyna supravadžała małych futbalistaŭ u pajezdcy na adpačynak u Hielendžyk. Heta byli 11‑12 hadovyja dzieci, vychavancy dziciača-junackich spartyŭnych škoł Homiela i Rečycy.
Takija pajezdki na azdaraŭleńnie ładziacca štohod. Aŭtobus jechaŭ pa trasie Homiel — Bransk, kali ŭ jaho, pa zajavach rasijskich uład, prylacieŭ dron.
U aŭtobusie znachodzilisia 44 pasažyry, u tym liku 28 dziaciej, paviedamlaje SK RF.
Usiaho paśla zdareńnia byli špitalizavanyja siem čałaviek. Adno dzicia, što trapiła pad abstreł u Branskaj vobłaści, znachodzicca ŭ ciažkim stanie. Viktoryja zahinuła.
«Astatnija pasažyry ŭ bližejšy čas buduć viernutyja dadomu», — havorycca ŭ paviedamleńni SK RF.
Kamientary
baćki biez mazhoŭ, a jana biez žyćcia