Беларусь пачала пастаўкі калійных угнаенняў у ЗША, але просіць вярнуць доўг, заявіў Лукашэнка сёння на Абуз-Лясноўскім палігоне.
«Цяпер грузім калій — прадаём Злучаным Штатам Амерыкі. Хочаце ў нас калійныя ўгнаенні (калі хочаце закупляць) — калі ласка. Мы адразу не можам. Вось у нас вызвалілася. Мы ж закантрактавалі іх на гэты год, на наступны год разгледзім. Цяпер з'явілася магчымасць судна загрузіць (заўтра дакладна закончым загрузку) — забірайце. Але доўг вярніце. 43—44 мільёны даляраў нашых у «Сіцібанку» затрымаліся — кампанія, якая з намі супрацоўнічала, заплаціла грошы. У багатай Амерыкі затрымаліся. Вы нам, калі ласка, вярніце гэтыя грошы», — сказаў Лукашэнка.
Таксама ён распавёў пра пытанні ў кантактах з ЗША і ўмовы для сустрэчы з Дональдам Трампам.
«Мы адкрытыя. Яны знялі санкцыі з шэрагу нашых прадпрыемстваў, гатовыя і далей здымаць. Там куча пытанняў, — сказаў кіраўнік дзяржавы. — Пасольствы — давайце абмяркоўваць, як будзем аднаўляць (паўнавартасную работу пасольства. Ядзерныя матэрыялы і іншае — там цэлая праграма ў нас — калі ласка. Хочаце ў нас калійныя ўгнаенні (калі хочаце) закупляць — калі ласка», — дадаў ён.
Каментары