Brytanskaja palicyja nie pravodzić rasśledavańnia ŭ suviazi sa źniknieńniem Anžaliki Mielnikavaj
Pra toje, što łondanskaja palicyja (Metropolitan Police) nie zajmajecca hetaj spravaj, paviedamiła jaje pres-słužba na zapyt Bi-bi-si.
Anžalika Mielnikava
Raniej paviedamlałasia, što zajavu ab źniknieńni śpikierki Kaardynacyjnaj rady Anžaliki Mielnikavaj padaŭ u palicyju Vialikabrytanii suzasnavalnik fondaŭ «Bajchełp» i «Bajsoł» Alaksiej Lavončyk.
Pra źniknieńnie śpikierki Kaardynacyjnaj rady Anžaliki Mielnikavaj jaje kalehi paviedamili ŭviečary 28 sakavika. U zajavie Paŭła Łatuški havaryłasia, što suviaź adsutničaje z 25 sakavika, adnak havorka idzie pra anłajn-kamunikacyju. Nasamreč Mielnikavu ŭžyvuju nie bačyli ŭžo daŭnym-daŭno. Paźniej stała viadoma, što Anžalika Mielnikava pakinuła terytoryju Jeŭrasajuza 26 lutaha i vyjechała mierkavana ŭ Łondan, a jaje były muž źjechaŭ z Polščy ŭ Biełaruś 3 sakavika.
Siońnia žurnalistam «Lusterka» ŭdałosia parazmaŭlać z byłym mužam Anžaliki Mielnikavaj, jaki paćvierdziŭ, što znachodzicca ŭ Biełarusi, a dzieci — pry im. Baćki Mielnikavaj u razmovie z žurnalistam «Jeŭraradyjo» taksama paćvierdzili, što dzieci znachodziacca ŭ Biełarusi, a pra miescaznachodžańnie samoj Anžaliki jany sami ničoha nie viedajuć i tryvožacca.
Čytajcie taksama:
Kalehi Anžaliki Mielnikavaj raskazali pra apošnija razmovy ź joj
U suviazi sa źniknieńniem Mielnikavaj polskaja palicyja praviaraje pahrozy na adras Łatuški
Maci Anžaliki Mielnikavaj: «Unukam kažu, što jana ŭ kamandziroŭcy»
Łatuška: Anžaliki Mielnikavaj niama ni ŭ Polščy, ni chutčej za ŭsio ŭ Biełarusi
Labiedźka: Cudu nie budzie — Mielnikava ŭ rukach biełaruskaha režymu