U Biełarusi źmianiŭsia paradak vydzialeńnia arendnaha žylla

U Biełarusi źmianiajecca paradak vydzialeńnia arendnaha žylla. Urad udakładniŭ praviły, jakija dziejničali jašče z 2014 hoda, havorycca ŭ novaj pastanovie Savieta Ministraŭ, jakaja źjaviłasia na Nacyjanalnym pravavym partale.

Fota ilustracyjnaje

Hałoŭnaja źmieny tyčacca taho, chto prymaje rašeńnie ab vydzialeńni arendnaha žylla. Raniej heta mahli rabić i sielskija, i pasiałkovyja vykankamy, a ciapier paŭnamoctvy pieradali na bolš vysoki ŭzrovień.

U Minsku ž, jak udakładniajecca ŭ pastanovie, raźmierkavańniem zojmucca rajonnyja i haradskija vykankamy, a taksama administracyi rajonaŭ stalicy.

Źmianiłasia čarhovaść atrymańnia žylla. Ciapier u pryjarytecie — hramadzianie najbolš zapatrabavanych pasad i prafiesij pry ŭmovie, što ŭ ich i členaŭ ich siemjaŭ niama žylla ŭ nasielenym punkcie (vyklučeńnie — pakoj u internacie, dzie čałaviek žyvie pa damovie najmu).

Pieravahu addaduć najbolš značnamu śpiecyjalistu. A kali na adno arendnaje pamiaškańnie pretendujuć dva čałavieki, pieršaj buduć razhladać tuju zajavu, jakuju padali raniej.

Kamientary da artykuła