Pamianialisia praviły atrymańnia dziaržpadtrymki na budaŭnictva i kuplu žylla
6 sakavika Alaksandr Łukašenka padpisaŭ dva ŭkazy, jakija ciapier buduć rehulavać umovy atrymańnia dziaržpadtrymki na žyllo dla ŭsich katehoryj ilhotnikaŭ. Akramia taho, u Biełarusi ŭvodzicca miechanizm dziaržaŭnaha zakazu na budaŭnictva žylla. Źmieny ŭstupajuć u siłu z 1 červienia 2025 hoda.
Ukaz № 95 «Ab dziaržaŭnaj padtrymcy pry žyllovym budaŭnictvie» abjadnaŭ usie formy dziaržpadtrymki na palapšeńnie žyllovych umoŭ dla ŭsich katehoryj ilhotnikaŭ, jak hramadzianskich, tak i vajskovych. Va ŭkaz uvajšła 21 katehoryja hramadzian.
Paviedamlajecca, što pamiery dziaržpadtrymki i ŭsie lhoty, jakija isnavali raniej, zachoŭvajucca. Pry hetym ukaz praduhledžvaje try formy dziaržpadtrymki pry budaŭnictvie abo nabyćci žylla.
Pa-pieršaje, dla ŭsich katehoryj hramadzian buduć dastupnyja lhotnyja kredyty na budaŭnictva abo kuplu adnakvaternych žyłych damoŭ i kvater u błakavanych žyłych damach, pabudavanych pa dziaržzakazie.
Pa-druhoje, 17 katehoryj hramadzian zmohuć atrymać adnarazovyja subsidyi na budaŭnictva abo nabyćcio žylla.
Pa-treciaje, dla šmatdzietnych i maładych siemjaŭ pry naradžeńni dziaciej budzie mahčymaje viartańnie zapazyčanaści pa lhotnych kredytach za košt dziaržavy.
Asnoŭnaja źmiena: ilhotnyja kredyty na dolevaje budaŭnictva ŭ šmatkvaternych žyłych damach vydavacca nie buduć (tolki na indyvidualnaje žyllo). Za košt takich kredytaŭ ciapier možna budzie tolki kupić kvateru, pabudavanuju pa dziaržzakazie.
Paviedamlajecca, što ŭ nasielenych punktach z kolkaściu da 20 tys. čałaviek ilhotnyja kredyty buduć davacca dla kupli žylla, pabudavanaha pa dziaržzakazie jak na pieršasnym rynku, tak i na druhasnym.
Jašče adzin padpisany siońnia ŭkaz № 94 praduhledžvaje, što žyllo pa dziaržzakazie buduć budavać dziaržaŭnyja zakazčyki. Ale lhotnaje finansavańnie jany buduć atrymlivać niepasredna, a na hramadzian ilhotnyja kredyty buduć pieraafarmlacca tolki tady, kali žyllo pabudavana i zaklučanaja damova kupli-prodažu.
Zabudoŭščykam dazvolać advodzić častku kvater u adnym i tym ža domie, jaki budujecca, na dziaržzakaz, a častku — dla budaŭnictva za košt biudžetu arendnaha žylla. Pry hetym kupić kvateru, pabudavanuju pa dziaržzakazie, zmohuć usie hramadzianie, jakija stajać na ŭliku tych, chto maje patrebu, a nie tolki tyja, chto maje prava na dziaržpadtrymku.
Škoły, sadki i słupki damoŭ. Što novaha čakaje Kamiennuju Horku?
Vulicy Kaleśnikava i Ratamskuju ŭ Minsku złučyć puciepravod
U miežach vulic Zacharava — Andrejeŭskaj u Minsku ŭźviaduć žyły kompleks u skandynaŭskim styli FOTA
Dośvied Maskvy. Što abvieščanaja renavacyja moža prynieści haradam Biełarusi
Hety mikrarajon Minska ciapier nie paznać — zabudavali vysotkami
Ciapier čytajuć
Na tolki što adkrytaj polskaj miažy ŭžo ŭtvaryłasia čarha z troch tysiač aŭtamabilaŭ1
Kamientary