Na płoščy Pieramohi prapanujuć arendnuju kvateru za 163 rubli
Heta taja samaja «stalinka», što znachodzicca za dva kroki ad parku Horkaha i susiedničaje z kramaj «Karavaj»
Na sajcie Minharvykankama raźmieščana abjava ab pošuku žylcoŭ dla 65-mietrovaj «dvuški» ŭ Partyzanskim rajonie, piša Onliner.by.
Admietna, što raźmieščana kvatera ŭ domie №36 pa praśpiekcie Niezaležnaści. Heta taja samaja «stalinka», što hladzić na płošču Pieramohi, znachodzicca za dva kroki ad parku Horkaha i susiedničaje z kramaj «Karavaj». Abramlajuć piacipaviarchovy dom vieličnyja kałony — nie dom, a kazka. Dadajcie siudy jašče vysokija stoli i dobryja płaniroŭki!
Žylcoŭ šukajuć dla kvatery №47, jakaja znachodzicca na čaćviortym paviersie. Z 65 kvadratnych mietraŭ ahulnaj płoščy amal 33 prypadajuć na žyłyja pamiaškańni. Płacić za takuju šykoŭnuju «dvušku» daviadziecca ŭsiaho 163,30 rubla ŭ miesiac. Heta vidavočna mała.
Čamu tak? Mietry dajucca tolki hramadzianam, jakija majuć pieršačarhovaje prava na arendnaje žyllo. Heta, zhodna z Žyllovym kodeksam, maładyja śpiecyjalisty, navukovyja supracoŭniki, miedyki, sudździ, vajskoŭcy i prakurorskija rabotniki. To bok «žyllovaja dapamoha» akazvajecca mienavita tym, u kim horad asabliva maje patrebu. Pry hetym nieabchodnaść u śpiecyjaliście pavinna być paćvierdžana pracadaŭcam.
Zajavy prymajucca słužbaj «Adno akno» administracyi Partyzanskaha rajona da 21 sakavika 2025 hoda ŭklučna. Pry sabie «padavalniki» pavinny mieć pašpart.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary