Na tannaje arendnaje žyllo ŭ Biełarusi zmohuć pretendavać i rasijanie
Łukašenka niadaŭna dazvoliŭ davać lhotnaje arendnaje žyllo śpiecyjalistam zapatrabavanych śpiecyjalnaściaŭ. Akazałasia, ukaz tyčycca nie tolki biełarusaŭ.
Ilhotnaje arendnaje žyllo ŭ Biełarusi zmohuć atrymlivać i zapatrabavanyja śpiecyjalisty z rasijskim hramadzianstvam.
Pra heta paviedamiła načalnica adździeła jurydyčnaj raboty i kadraŭ Ministerstva žyllova-kamunalnaj haspadarki Biełarusi Volha Hierman.
Jana nahadała, što hramadzianie Biełarusi, padajučy zajaŭku na arendnaje žyllo, padajuć pašpart, a zamiežnyja mohuć vykarystoŭvać dazvoł na žycharstva, dakumient biežanca i inšyja dakumienty, piša Sputnik.
«Pa sutnaści, kali voś hety dakumient, jaki budzie padadzieny, budzie paćviardžać asobu hramadzianina ŭ adpaviednaści z zakanadaŭstvam, adpaviedna pytańniaŭ atrymańnia arendnaha žylla tut nie budzie adnaznačna», — zajaviła Hierman.
Adzinaha pieraliku zapatrabavanych śpiecyjalnaściaŭ u Biełarusi nie budzie. Hetaje pytańnie buduć vyrašać miascovyja ŭłady na miescach.
«Budzie vyvučacca baza danych vakansij pa rehijonie. U adnym rehijonie moža być patrebny kiroŭca aŭtobusnaha parku, dzieści patrebny chirurh, dzieści patrebny niejki śpiecyjalist bolš vuzkaj nakiravanaści. U hetaj situacyi hetyja pieraliki buduć zaćviardžać rehijony.
U dačynieńni da apłaty — tut budzie prymianiacca panižalny kaeficyjent. Heta istotna źnizić pamier apłaty za arendnaje žyllo», — raskazała Hierman.
Atrymać tannaje arendnaje žyllo zmohuć i piensijaniery, jakija pracujuć, uzrostavych abmiežavańniaŭ va ŭkazie Łukašenki niama.
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii9
Kamientary
pajaśniaju: tym, što ŭ MUSie pracujuć. Bo ŭ ich ža pastajanna vialiki niedabor).