«Heta budzie zusim novy i značna lepšy śviet». Tramp prakamientavaŭ prapanovu Pucina adnavić pieramovy z Ukrainaj

Prezident ZŠA nazvaŭ hety dzień «patencyjna vialikim».

Donald Tramp. Fota: Anna Moneymaker / Getty Images

Prezident ZŠA Donald Tramp prakamientavaŭ prapanovu Uładzimira Pucina adnavić mirnyja pieramovy z Ukrainaj u Stambule.

«Patencyjna vialiki dzień dla Rasii i Ukrainy! Tolki ŭjavicie sabie — sotni tysiač žyćciaŭ mohuć być uratavanyja, kali hetaja biaskoncaja «kryvavaja łaźnia» narešcie skončycca. Heta budzie zusim novy i značna lepšy śviet.

Ja praciahnu pracavać z abodvuma bakami, kab pierakanacca, što heta adbudziecca. ZŠA žadajuć zasiarodzicca zamiest hetaha na adnaŭleńni i handli. Vialiki tydzień napieradzie!» — napisaŭ Tramp u svajoj sacsietcy.

Pucin padčas načnoha vystupleńnia prapanavaŭ adnavić pieramovy biez papiarednich umovaŭ i padziakavaŭ ZŠA za pasrednictva. U Biełym domie raniej zajaŭlali, što Kreml patrabuje zanadta mnoha i pahražali vyjści ź pieramoŭnaha pracesu, kali baki nie buduć hatovyja da kampramisu.

Niekalki dzion tamu Tramp zaklikaŭ da miesiačnaha biezumoŭnaha spynieńnia ahniu i pahražaŭ sankcyjami za jaho nievykanańnie. Adnak, miarkujučy pa ŭsim, Pucin hetuju prapanovu adchiliŭ.

Kamientary da artykuła