Litoŭskim hruzavikam zabaranili vyjazdžać ź Biełarusi praz Łatviju i Polšču
Biełaruski ŭrad uvioŭ abmiežavańni na ruch hruzavych aŭtamabilaŭ, ciahačoŭ i pryčepaŭ (paŭpryčepaŭ) ź litoŭskaj rehistracyjaj. Im dazvalajecca pierasiakać dziaržaŭnuju miažu tolki na biełaruska-litoŭskim učastku.
Fota ilustracyjnaje
Rašeńnie padpisaŭ premjer-ministr Alaksandr Turčyn, i jano padajecca jak adkaz na zakryćcio litoŭskim bokam punktaŭ propusku na miažy ź Biełaruśsiu.
«Pryniataje rašeńnie zaklikana abaranić intaresy biełaruskich i inšych dobrasumlennych pieravozčykaŭ. Paśla zakryćcia miažy ź Litvoj i ich masavaj pieraaryjentacyi na biełaruska-polski i biełaruska-łatvijski napramki na hetych učastkach uźnikli surjoznyja zatory», — havorycca va ŭradavym paviedamleńni.
Čytajcie taksama:
MZS: Nie premjeru Polščy ci Litvy vyrašać, kali adkryć miažu
Litva aficyjna paviedamiła ŭładam Biełarusi pra zakryćcio punktaŭ propusku na miažy