Litva abiacaje karekciroŭki pracy zakrytych pierachodaŭ — biełarusam daduć mahčymaść viarnucca dadomu
«I pamachajem».
Ministr unutranych spraŭ Litvy Uładzisłaŭ Kandratovič abiacaje skarektavać rašeńnie Litvy nakont pracy zakrytych pamiežnych pierachodaŭ ź Biełaruśsiu, kab biełarusy mahli vyjechać na radzimu, piša BNS.
«Pahladzim, padkarektujem. Ja dumaju, abmiarkujem, bo sapraŭdy, kali ludzi chočuć vyjechać, to, biezumoŭna», — skazaŭ Kandratovič.
«I pamachajem», — dadaŭ lidar kansiervataraŭ Łaŭrynas Kaščunas, na što ministr unutranych spraŭ nie adreahavaŭ, piša BNS.
«Kali ŭ niekatorych zakančvajecca časovy dazvoł pracavać, žyć, niachaj źjeduć jak maha chutčej. Ci nie bačycie vy mahčymaści pašyryć hetyja mahčymaści?» — dadaŭ Kaščunas.
Kamientary