Stvaryli dziaržaŭnuju kamisiju dla pierapisvańnia padručnikaŭ pa humanitarnych pradmietach
U Biełarusi stvarajuć dziaržaŭnuju kamisiju pa padrychtoŭcy padručnikaŭ i navučalnych dapamožnikaŭ u humanitarnaj i hramadaznaŭčaj śfiery. Adpaviednaje rasparadžeńnie padpisaŭ Alaksandr Łukašenka.
Zdymak ilustracyjny. Skrynšot ź videa
Paviedamlajecca, što novuju kamisiju ŭznačalić ministr adukacyi Andrej Ivaniec. U jaje skład uvojduć navukoŭcy, vykładčyki, školnyja nastaŭniki-praktyki, pradstaŭniki dziaržaŭnych orhanaŭ, deputaty i hramadskija dziejačy. Bolš padrabiazna piersanalny skład pakul nie raskryvajecca.
Asnoŭnaj zadačaj kamisii stanie «zabieśpiačeńnie pastupalnaha abnaŭleńnia padručnikaŭ i vučebnych dapamožnikaŭ na asnovie adzinych kanceptualnych padychodaŭ da takoj litaratury na ŭsich uzroŭniach adukacyi ŭ adpaviednaści ź dziaržaŭnymi intaresami».
Ministerstvu adukacyi daručana arhanizacyjna i mietadyčna zabiaśpiečvać dziejnaść kamisii, a taksama zajmacca «palapšeńniem» źmiestu padručnikaŭ i dapamožnikaŭ u najbližejšyja piać hadoŭ.
Čytajcie taksama:
Łukašenka zahadaŭ pryščaplać nieluboŭ da Polščy pačynajučy sa škoły
Voś jak vyhladajuć novyja padručniki pa zamiežnych movach dla škoł — z kadetami i pijanierami
Što nie tak z padručnikami pa historyi Biełarusi? Raskazvaje prafiesar Ramanava ź EHU